22 август куни 02:50 дақиқа ўтганда Тошкент шаҳар Шайхонтоҳур тумани «Хувайдо» МФЙда жойлашган 31, 51, 33 ва 42-уйларда ёнғин содир бўлаётганлиги ҳақида ёнғин-қутқарув хизматига хабар келиб тушган, деб хабар берди ФВВ ЁХББ ОАВ билан ҳамкорлик қилиш бўлинмаси.
Хабар асосида воқеа жойига 5 та ёнғин ўчириш бўлинмаси жалб этилган. Биринчи бўлинмалар кўрсатилган манзилга соат 02:58 да етиб борган. Ёнғин соат 03:11 да қуршаб олинган ва 03:42 да тўлиқ бартараф этилган. Тан жароҳати олганлар ва ҳалок бўлганлар қайд этилмаган.
Ёнғин оқибатида Хувайдо 4-тор кўчасидаги 31-уйнинг 20 квадрат метр, 51-уйнинг 65 квадрат метр, 33-уйнинг 40 квадрат метр ва Хувайдо 2-тор кўчасидаги 42-уйнинг 25 квадрат метр майдонда том қисмлари ёниб зарарланган. Ёнғиндан уйларнинг жами 550 квадрат метр майдони сақлаб қолинган.
Ёнғиннинг қисқа вақтда тарқалишига уйларни қуришда ёнғинга қарши оралиқ масофалар инобатга олинмаган ва ёнғинга қарши деворлар қурилмаганлиги сабаб бўлган. Ҳодисанинг келиб чиқиш сабаби ва моддий зарар миқдори аниқланмоқда.
Изоҳ (0)