Сирдарё вилоятида қишлоқ хўжалиги экин ерларидан янада самарали фойдаланиш чора-тадбирлари тўғрисида ҳукумат қарори қабул қилинди.
Қарорда Сирдарё вилоятида аниқланган умумий 19 238 гектар фойдаланилмаётган қишлоқ хўжалиги ер майдонининг 5 852 гектари фермер ва қишлоқ хўжалиги корхоналарига, 1259 гектар «Индорама агро» МЧЖ хорижий корхонасига, 461 гектар паррандачалик ва бошқа тармоқлар учун тадбиркорлик субъектларига берилиши белгиланди.
Қарорга мувофиқ, Сирдарё вилоятида фойдаланилмасдан захира турган 3 929 гектар яйлов ва бўз ерларда чорвачиликни ривожлантириш бўйича жами 36 лойиҳа амалга оширилади.