Куни кеча «Кафолат суғурта компанияси» АЖ вакиллари Буюк Британиянинг Лондон шаҳрида Ўзбекистон Республикаси Президенти томонидан 2019 йил 2 август куни тасдиқланган ПҚ 4412-сонли Қарорида белгиланган йўналишлардан бири бўлган, суғурта бозори мутахассисларини тайёрлаш, қайта тайёрлаш ва уларнинг малакасини ошириш тизимини такомиллаштириш, суғурта соҳасида таълим беришнинг замонавий усулларини қўллаш, илмий-тадқиқот фаолиятини рағбатлантириш йўналиши бўйича Chartered Insurance Institute (CII) вакиллари билан учрашди.
Ушбу олийгоҳ ғарбий Европа мамлакатларида нуфузли олийгоҳ ва асосийси, Буюк Британиянинг нуфузли сертификатлаш ташкилоти сифатида ҳам юритилиши ва айни Ўзбекистон Республикаси ҳудудида бундай олийгоҳнинг очилиши Ўзбекистон суғурта бозорида фаолият юритаётган ходимлар профессионал малакасини янада оширишда яхши имконият яратиши билан бирга халқаро стандартларга жавоб берадиган суғурта қоидалари ва шартлари асосида таълим олиш имкониятини беради.
Chartered Insurance Institute (CII )нинг филиалини мамлакатимизда очишнинг яна бир афзаллиги шуки, ҳозирда олийгоҳнинг Ўзбекистондаги аъзолари имтиҳон топшириш учун энг яқин имтиҳон топшириш марказига — Қозоғистон Республикасига бораётган бўлишса, кейинчалик эса улар ва бошқа қўшни давлатларда жойлашган Chartered Insurance Institute (CII) аъзолари учун ҳам айни Тошкентда имтиҳон топширишларига имкон яратилади.
Маълумот ўрнида айтиш жоизки, институт 1873 йил 14 март куни Манчестерда ташкил этилган, «Қироллик» мақомини олган ва 1912 йилда ҳозирги Chartered Insurance Institute номини олган . Chartered Insurance Institute (CII номи билан ҳам танилган) суғурта соҳасида профессионал ташкилот бўлиб, у:
— суғурталовчилар ва суғурта брокерлари институти ҳисобланади;
— касбий ўқув дастурлари ташкиллаштиради, малака имтиҳонлари ўтказади ва махсус дипломлар беради;
— профессионал этика стандартларини ишлаб чиқади.
Chartered Insurance Institute (CII)нинг 1912 йилдаги қироллик низомида белгиланган мақсади— ўз аъзоларига ва умуман, суғурта соҳасига жамоатчилик ишончини таъминлаш ва оқлашдир. Бу эса ўз навбатида ҳалоллик, техник ваколат ва бизнес имкониятлар учун стандарт ўрнатиш борасида муҳим аҳамият касб этиши аниқ.
Учрашув чоғида «Кафолат суғурта компанияси» АЖ вакиллари томонидан Ўзбекистонда Chartered Insurance Institute (CII)нинг филиалини очиш таклифи берилди. Chartered Insurance Institute (CII) вакиллари бу таклифни қўллаб-қувватлашди ва дастлаб Chartered Insurance Institute имтиҳон топшириш марказини ташкил этиш айни муддао бўлиши ҳақида гапириб ўтиб, томонлар ушбу йўналишда босқичма-босқич амалга ошириладиган ишларни белгилаб олишди.
Шу билан бирга, улар Тошкентда жойлашган халқаро ва маҳаллий институтлар ёки Британия консуллиги билан ҳамкорликда ушбу олийгоҳ филиалини ташкиллаштириш масалалари юзасидан музокаралар ўтказилиши ҳақида учрашув чоғида ўз фикрларини билдирдилар.
Шунингдек, институт вакиллари Ўзбекистондаги суғурта компания раҳбарлари ва ходимлари малакасини ошириш бўйича Лондонга ташриф буюришларини инобатга олган ҳолда махсус дастур ишлаб чиқишлигини ва «Кафолат суғурта компанияси» АЖ томонидан ушбу лойиҳани амалга оширишда амалий ва ташкилий ишларда кўмаклашишига умид билдиришди.
Учрашув сўнгида, «Кафолат суғурта компанияси» АЖ раҳбарининг таклифига ижобий жавоб тасдиғи сифатида Chartered Insurance Institute раҳбари билан институтнинг Тошкентда очиладиган имтиҳон топшириш маркази ва кейинги босқичда филиалнинг очилиши бўйича меморандум имзоланди.
Маълумот учун: 2019 йил ҳолатига CIIнинг 150 та давлатда 125 000 га яқин аъзоси бор. Аъзоларнинг 10 фоизи Буюк Британиянинг ташқарисида жойлашган.
Реклама ҳуқуқи асосида.
Изоҳ (0)