Россиялик UFC жангчиси Зубайра Тухугов Абу Дабида бўлиб ўтадиган UFC 242 мусобақасида октагонга қайтади.
Тухуговга дебютант Лерон Мёрфи рақиб бўлади. Зубайра сўнгги бор 2016 йилнинг 14 майида жанг ўтказганди. Ўшанда у ҳакамлар қарорига кўра Ренато Карнейрога имкониятни бой берган. Тухугов UFC’да тўртта жанг ўтказиб, уларнинг учтасида зафар қучган. Британиялик Лерон Мёрфи профессионал фаолияти мобайнида бешта жанг ўтказиб, уларнинг барчасида ғалаба қозонган, бироқ UFC’да ҳали жанг қилмаган.
Маълумот учун, Абу Дабидаги UFC мусобақасининг асосий воқеаси Ҳабиб Нурмагомедов ва Дастин Порье ўртасидаги жанг бўлади.
Эслатиб ўтамиз, Тухугов ва Абубакар Нурмагомедов бир йилга, Ҳабиб эса 9 ой муддатга дисквалификация қилинган эди. Кейинчалик Зубайра ва Абубакарнинг дисквалификация муддати қисқартирилган.
Янада кўпроқ UFC ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)