Ўзбекистон Қуролли Кучлари академиясида 9 август куни Ўзбекистон Президентининг «Ҳарбий хизматчиларининг маънавий-маърифий савиясини ошириш тизимини тубдан такомиллаштириш тўғрисида»ги қарори юзасидан бир йил давомида амалга оширилган ишларга бағишланган йиғилиш бўлиб ўтди. Бу ҳақда Мудофаа вазирлиги Ахборот ва оммавий коммуникациялар департаменти «Дарё»га маълум қилди.
Йиғилиш ушбу концепцияни амалга ошириш бўйича республика идоралараро комиссиясининг бир йиллик ҳисоботи таҳлилига бағишланди.
Олий Мажлис Қонунчилик палатаси депутатлари, Жисмоний тарбия ва спорт вазирлиги, Республика маънавият ва маърифат маркази, Ўзбекистон Миллий ахборот агентлиги, Ўзбекистон хотин-қизлар қўмитаси, Вазирлар Маҳкамаси ҳузуридаги «Оила» илмий-амалий тадқиқот маркази, «Маҳалла», «Нуроний» жамғармалари, Ўзбекистон Ёзувчилар уюшмаси, Ёшлар иттифоқи Марказий кенгаши вакиллари, вилоят ҳокимларининг ўринбосарлари иштирок этган тадбирда идоралараро комиссия фаолиятининг ютуқ ва камчиликлари сарҳисоб қилинди.
Мудофаа вазирининг ўринбосари генерал майор Азизбек Икрамов йиғилиш давомида сўзга чиқиб, ўтган бир йил давомида маҳаллий давлат ҳокимияти органларининг тегишли қарорлари ишлаб чиқилди, ҳудудий идоралараро комиссиясининг таъсис йиғилиши ўтказилганини таъкидлаб ўтди.
Йиғилишда Қуролли Кучлар ҳарбий хизматчиларининг маънавий-маърифий савиясини ошириш ишларида эскича қолип ва андозалардан воз кечиш, фаолиятида тўсиқ бўлаётган омилларни ҳамжиҳатликда бартараф этиш бўйича вазифалар белгилаб олинди.
Йиғилиш якунида республика идоралараро комиссияси аъзоларига Мудофаа вазирлигининг «Ёш авлодни ҳарбий-ватанпарварлик руҳида тарбиялашдаги иштироки учун» кўкрак нишони топширилди.
Изоҳ (0)