«Тоттенҳэм» Аргентина терма жамоаси футболчисини ўз сафига қўшиб олди

«Бетис» ярим ҳимоячиси Джовани Ло Чельсо карьерасини «Тоттенҳэм»да давом эттиради. Бу ҳақда «шпорлар»нинг Twitter’даги расмий саҳифасида эълон қилинди.

Лондон клуби аргентиналикни бир мавсумга ижарага олди. Келишувга кўра, мавсум сўнгида клуб футболчини тўлиқ сотиб олиши ҳам мумкин.

Хабар қилинишича, Ло Челсонинг ижараси «Тоттенҳэм»га 16 миллион еврога тушган. Агарда лондонликлар ярим ҳимоячини сотиб оладиган бўлса, «Бетис»га 60 миллион евро тўлаши керак бўлади.

Маълумот учун, хавбек ўтган мавсум Испания чемпионатида 32 та ўйинда майдонга тушиб, 9 та гол урди ва 6 та голга ассистентлик қилди.