Жазоир терма жамоаси ва «Эмполи» ярим ҳимоячиси Исмоил Беннасер фаолиятини «Милан»да давом эттиради. Бу ҳақда «россонерилар»нинг Twitter’даги расмий саҳифасида хабар берилди.
Миланликлар футболчи билан 5 йиллик шартнома имзолади.
Аввалроқ «Милан» Беннасер учун «Эмполи»га қўшимча бонуслар билан биргаликда 17 миллион евро (16 миллион+1миллион) тўлаши ҳақида маълум қилинганди.
Маълумот учун, 21 ёшли ўйинчи 2017 йилда «Арсенал»дан «Эмполи» сафига келиб қўшилганди. У 2018/19 йилги мавсум А Серияда 37 та ўйинда майдонга тушиб, 5 та голга ассистентлик қилди.
Қайд этиш жоиз, Беннасер Африка Кубоги—2019 мусобақасида энг яхши ўйинчи дея эътироф этилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)