Jazoir terma jamoasi va “Empoli” yarim himoyachisi Ismoil Bennaser faoliyatini “Milan”da davom ettiradi. Bu haqda “rossonerilar”ning Twitter’dagi rasmiy sahifasida xabar berildi.
Milanliklar futbolchi bilan 5 yillik shartnoma imzoladi.
Avvalroq “Milan” Bennaser uchun “Empoli”ga qo‘shimcha bonuslar bilan birgalikda 17 million yevro (16 million+1million) to‘lashi haqida ma’lum qilingandi.
Ma’lumot uchun, 21 yoshli o‘yinchi 2017-yilda “Arsenal”dan “Empoli” safiga kelib qo‘shilgandi. U 2018/19-yilgi mavsum A Seriyada 37 ta o‘yinda maydonga tushib, 5 ta golga assistentlik qildi.
Qayd etish joiz, Bennaser Afrika Kubogi—2019 musobaqasida eng yaxshi o‘yinchi deya e’tirof etilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)