Душанбе—Чаноқ трассасида 30 июль куни рўй берган ЙТҲда Ўзбекистон фуқароси Азим Дадабоев ҳалок бўлди. Бу ҳақда Аsia-Plus хабар бермоқда.
Сўғд вилояти ИИБ матбуот хизматининг билдиришича, Mercedes-Benz машинаси ҳайдовчиси Даврон Қобилов Фирдавсий қишлоғи ҳудудида бошқарувни уддалай олмай, 1977 йили Наманган шаҳрида туғилган Азим Дадабоев бошқариб кетаётган Cobalt билан тўқнашган. Дадабоев воқеа жойида ҳалок бўлган, унинг йўловчиси, 1975 йилда туғилган Ўзбекистон фуқароси Алишер Нурматов жароҳатланган ва касалхонага етказилган.
Мазкур ҳолат юзасидан суриштирув олиб борилмоқда.
Ўзбекистоннинг Тожикистондаги элчихонаси берган маълумотга кўра, ЙТҲ Шаҳристон довонида содир бўлган ва машина дарёга қулаган. Марҳумнинг жасади қариндошлари ҳамроҳлигида ватанга юборилган.
Элчихона вазиятни назоратга олган ва жароҳатланган ҳамюртга ёрдам бериш билан шуғулланмоқда.
Изоҳ (0)