«Эвертон» ярим ҳимоячиси Идрисса Гуйе карьерасини ПСЖ клубида давом эттиради. Бу ҳақда Париж клубининг Twitter’даги расмий саҳифасида эълон қилинди.
Сенегаллик футболчи парижликлар билан 2023 йилнинг 30 июнига қадар шартнома имзолади. Гуйе Париж клуби тарихида жамоа шарафини ҳимоя қилган саккизинчи сенегаллик ўйинчи бўлди.
Аввалроқ ПСЖ футболчи учун 35-40 миллион евро атрофида маблағ тўлаши айтилганди.
29 ёшли хавбек учун Франция чемпионати бегона эмас. У 2010 йилдан 2015 йилгача «Лилль» тизимида фаолият олиб борган. 2015/16 йилги мавсумни Гуйе «Астон Вилла»да ўтказган. 2016 йилнинг бошидан эса у «Эвертон» таркибига келиб қўшилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)