Бугун, 29 июль куни 2019—2020-ўқув йили учун олий таълим муассасаларига кириш имтиҳонлари бошланди. Шу муносабат билан Фарғона шаҳридаги бир қатор кўчалар ёпилди. Бу ҳақда Фарғона вилояти ИИБ ЙҲХБ матбуот хизмати маълум қилди.
Олий таълим муассасаларида кириш тест синовлари ўтказилиши муносабати билан фуқаролар хавфсизлигини таъминлаш ва йўл-транспорт ҳодисаларининг олдини олиш мақсадида 2019 йил 29 июль кунидан 10 август кунига қадар соат 05:00 дан 20:00 гача бўлган вақт оралиғида Фарғона шаҳридаги Алишер Навоий, Ойбек, Ислом Каримов, Мураббийлар, Фарғона ва Марғилон кўчаларининг айрим қисмларида транспорт воситаларининг ҳаракати вақтинча чекланади.
Аввалроқ кириш имтиҳонлари туфайли Тошкентдаги айрим кўчалар ҳам вақтинча ёпилиши маълум қилинганди.
Изоҳ (0)