28 июль куни соат 03:28 да Қашқадарё вилояти, Қарши шаҳри, «Шўртан» МФЙда жойлашган кўп қаватли 5-уйнинг олдида турган 2 та енгил автомобилда ёнғин содир бўлди. Бу ҳақда Давлат ёнғин хавфсизлиги хизмати хабар бермоқда.
Кўрсатилган манзилга 2 та ёнғин ўчириш автоэкипажи жалб этилган. Бўлинмалар воқеа жойига соат 03:36 да етиб борган ва ёнғин соат 03:38 да қуршаб олиниб, 15 дақиқадан сўнг тўлиқ бартараф этилган.
Тан жароҳати олганлар ва ҳалок бўлганлар йўқ. Ёнғин оқибатида 5-уйда яшовчи фуқаро А.Х.га тегишли Nexia ва Matiz русумли автомобиллар зарарланган.
Ҳолат юзасидан тергов органлари томонидан суриштирув ишлари олиб борилмоқда. Ёнғин сабаби ва моддий зарар аниқланмоқда.
Изоҳ (0)