Туриннинг «Ювентус» клуби раҳбарияти ҳужумчи Пауло Дибала трансфери борасида «Тоттенҳэм»нинг сўнгги таклифини рад этди.
La Stampa’нинг хабар беришича, «шпорлар» футболчи учун 50 миллион евролик таклиф билан чиққан.
«Тоттенҳэм» бош мураббийи Маурисио Почеттино Дибала билан жамоасини кучайтиришни хоҳламоқда, аммо А Сериянинг амалдаги чемпионлари 25 ёшли футболчи сотувидан кўпроқ пул ишлаб олишни режалаштиргани маълум бўлди
Эслатиб ўтамиз, Дибала 2015 йилдан буён «Ювентус» шарафини ҳимоя қилиб келади. У 2018/19 йилги мавсум Италия чемпионатида 42 та ўйинда майдонга тушиб, 10 та гол урди ва 5 та голли узатма берди.
Паулонинг туринликлар билан тузган шартномаси 2022 йилнинг 30 июнигача амал қилади.
Аввалроқ «Ювентус» Дибалани «Манчестер Юнайтед» ҳужумчиси Ромелу Лукакуга алмаштириши мумкинлиги ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)