Ўзбекистонда ёз май ойидан сентябрга қадар давом этса-да, аслида ёруғлик тезлигида, кўз очиб юмгунча ўтиб кетади ва фарзандларимиз кўпинча дарслар, зерикарли мактаб формаси ва қатъий белгиланган кун тартибидан тўлақонли дам олишга улгуролмай қолади. Уларга эсда қоларли ҳиссиётлар етишмайди! Шу боис, эртами-кечми, ҳар қандай ота-онанинг олдида фарзанди учун ёзги таътилда вақтни тўғри ўтказишни ташкиллаштириш вазифаси пайдо бўлади — шундай бўлсинки, бола ҳам яхши дам олсин, айни дамда бекорчиликка ўрганиб қолмасин ҳамда бирор янги ва фойдали нарса ўргансин. Масалан, кўплаб ажойиб дўстлар орттирсин, ўзини мустақил эплашни ўргансин, ўзидаги янги истеъдодларни кашф этсин, инглиз тилига меҳр қўйсин. Республикамиздаги биринчи инглиз тили оромгоҳи ҳисобланган West Camp’нинг фалсафаси айнан шу жиҳатларга асосланган. Бу йил West Camp юбилейни нишонлайди — оромгоҳда кетма-кет 10 мавсумдан бери ёз давомида 1500 дан ортиқ бола ҳордиқ чиқармоқда!
West Camp фаолиятига энг яхши баҳо — бу болаларда инглиз тилига бўлган қизиқишнинг уйғониши, ёниб турган кўзлар, смена ёпилиши вақтидаги узоқ хайрлашувлар ва самимий кўз ёшлар, бирдамлик ва ҳақиқий мустаҳкам дўстлик. Қизиқарли ўқув дастурлари, фаол ҳордиқ ва ижодий ишларга тўла 12 кун давомида болалар бир бутун оилага айланади. Уларнинг энг яхши сифатлари юзага чиқади, болалар қарор қабул қилиш ва вақтни қадрлашни ўрганади.
Ота-оналар учун эса оромгоҳнинг иши, албатта, бутунлай бошқа жиҳатлар бўйича — ўн йилдан бери ўзгармай келаётган юқори сифат ҳамда ҳордиқ чиқарувчиларнинг жисмоний ва ақлий кўрсаткичларини ривожлантириш, очиқ ҳавода соғлом ва хавфсиз дам олишни таъминлашдаги Ғарб стандартлари билан ўлчанади. West Camp’даги хилма-хил тадбирлар болаларда лингвистика, спорт ва мулоқот, танқидий фикрлаш, жамоа бўлиб ишлаш ва ижодий ёндашув каби кўникмаларни ривожланлантиришга ёрдам беради. Бунинг самараси ўлароқ нафақат базавий билимларнинг, балки таълимда кейинги қадамни ташлаш ва ҳаётий йўлни танлашнинг ҳам асоси қўйилади. Ахир ҳаммамиз фарзандларимизга шуларни лозим кўрмаймизми?
West Camp кўнгилочар, таълим ва ижтимоий тадбирларни уйғунлаштириш йўли билан сершовқин шаҳар ҳаёти ва такрорланувчи иш кунларидан узилишнинг бетакрор имкониятини таклиф қилади. Оромгоҳнинг мазмунли ва жуда қизиқарли дастури болаларнинг зерикиши ёки гаджетларига «ўтириб қолиши»га имкон қолдирмайди — чунки вақтни бой бермай таклиф қилинган чет эллик ўқитувчи билан мулоқот қилиш, флешмобларда қатнашиш, мнемотехника бўйича тўгаракка қатнаш ёки ўз ҳаракати билан навбатдаги West Coin (оромгоҳ валютаси)ни ишлаб топиб, масалан, уни бассейнда яна қўшимча ярим соат чўмилиш имкониятига алмаштириш қизиқроқ.
Таом масаласига келсак, West Camp оромгоҳи овқатланиш энг муҳим жиҳатлардан бири эканини яхши билади ва бу масалага алоҳида эътибор билан ёндашади — меню сменанинг ҳар бир куни учун алоҳида ва эътибор билан ишлаб чиқилган. Таомлар порсиялаб тортилади, аммо болалар ҳар доим «добавка» сўраши мумкин. Айтишларича, пицца, палов ва шўрвалар айниқса мазали тайёрланади, сменанинг сўнгги кунидаги шведча стол эса — шунчаки мазза.
West Camp жамоаси консултантлар, спорт ва ҳордиқ бўйича инструкторлар, тил ўқитувчилари, ИИВ қўриқчилари, тиббиёт ходимлари ва, албатта, орасида оромгоҳнинг собиқ дам олувчилари ҳам бўлган етакчилардан иборат. Ходимлар ёши, билими, тажрибаси ва болалар билан ишлаш кўникмаларидан келиб чиқиб, изчил саралаб олинади. Бундан ташқари, West Camp ходимлари болаларга ҳордиқ бўйича аъло ҳиссиётлар ва унутилмас таассуротлар туҳфа этишга ҳаракат қиладиган меҳрибон ва иқтидорли инсонлардир.
Айтмоқчи, West Camp ҳар йили инглиз тилида ёзилган энг яхши иншо танловини ўтказади ва уч нафар ғолибни тақдирлайди. Бу йил, ўз юбилейи шарафига, оромгоҳ маъмурияти нақ ўн кишини саралаб олиб, уларга ёзги оромгоҳнинг жорий мавсумдаги 5, 6 ва 7-сменаларига бепул йўлланмаларни тақдим этди.
Олдинда West Camp’нинг август охирига қадар давом этадиган ва навбатдаги ўқув йили олдидан болаларга бир олам таассурот ва ҳиссиётлар туҳфа этадиган икки сменаси турибди.
Хўш, фарзандларингиз қандай ҳордиқ чиқаряпти?
Тел: +998 90 984 82 82, +998 90 964 82 82Сайт: www.westcamp.uzFacebook: @westcampuzInstagram : westcamp.uz
Реклама ҳуқуқи асосида.
Изоҳ (0)