O‘zbekistonda yoz may oyidan sentyabrga qadar davom etsa-da, aslida yorug‘lik tezligida, ko‘z ochib yumguncha o‘tib ketadi va farzandlarimiz ko‘pincha darslar, zerikarli maktab formasi va qat’iy belgilangan kun tartibidan to‘laqonli dam olishga ulgurolmay qoladi. Ularga esda qolarli hissiyotlar yetishmaydi! Shu bois, ertami-kechmi, har qanday ota-onaning oldida farzandi uchun yozgi ta’tilda vaqtni to‘g‘ri o‘tkazishni tashkillashtirish vazifasi paydo bo‘ladi — shunday bo‘lsinki, bola ham yaxshi dam olsin, ayni damda bekorchilikka o‘rganib qolmasin hamda biror yangi va foydali narsa o‘rgansin. Masalan, ko‘plab ajoyib do‘stlar orttirsin, o‘zini mustaqil eplashni o‘rgansin, o‘zidagi yangi iste’dodlarni kashf etsin, ingliz tiliga mehr qo‘ysin. Respublikamizdagi birinchi ingliz tili oromgohi hisoblangan West Camp’ning falsafasi aynan shu jihatlarga asoslangan. Bu yil West Camp yubileyni nishonlaydi — oromgohda ketma-ket 10 mavsumdan beri yoz davomida 1500 dan ortiq bola hordiq chiqarmoqda!
West Camp faoliyatiga eng yaxshi baho — bu bolalarda ingliz tiliga bo‘lgan qiziqishning uyg‘onishi, yonib turgan ko‘zlar, smena yopilishi vaqtidagi uzoq xayrlashuvlar va samimiy ko‘z yoshlar, birdamlik va haqiqiy mustahkam do‘stlik. Qiziqarli o‘quv dasturlari, faol hordiq va ijodiy ishlarga to‘la 12 kun davomida bolalar bir butun oilaga aylanadi. Ularning eng yaxshi sifatlari yuzaga chiqadi, bolalar qaror qabul qilish va vaqtni qadrlashni o‘rganadi.
Ota-onalar uchun esa oromgohning ishi, albatta, butunlay boshqa jihatlar bo‘yicha — o‘n yildan beri o‘zgarmay kelayotgan yuqori sifat hamda hordiq chiqaruvchilarning jismoniy va aqliy ko‘rsatkichlarini rivojlantirish, ochiq havoda sog‘lom va xavfsiz dam olishni ta’minlashdagi G‘arb standartlari bilan o‘lchanadi. West Camp’dagi xilma-xil tadbirlar bolalarda lingvistika, sport va muloqot, tanqidiy fikrlash, jamoa bo‘lib ishlash va ijodiy yondashuv kabi ko‘nikmalarni rivojlanlantirishga yordam beradi. Buning samarasi o‘laroq nafaqat bazaviy bilimlarning, balki ta’limda keyingi qadamni tashlash va hayotiy yo‘lni tanlashning ham asosi qo‘yiladi. Axir hammamiz farzandlarimizga shularni lozim ko‘rmaymizmi?
West Camp ko‘ngilochar, ta’lim va ijtimoiy tadbirlarni uyg‘unlashtirish yo‘li bilan sershovqin shahar hayoti va takrorlanuvchi ish kunlaridan uzilishning betakror imkoniyatini taklif qiladi. Oromgohning mazmunli va juda qiziqarli dasturi bolalarning zerikishi yoki gadjetlariga “o‘tirib qolishi”ga imkon qoldirmaydi — chunki vaqtni boy bermay taklif qilingan chet ellik o‘qituvchi bilan muloqot qilish, fleshmoblarda qatnashish, mnemotexnika bo‘yicha to‘garakka qatnash yoki o‘z harakati bilan navbatdagi West Coin (oromgoh valyutasi)ni ishlab topib, masalan, uni basseynda yana qo‘shimcha yarim soat cho‘milish imkoniyatiga almashtirish qiziqroq.
Taom masalasiga kelsak, West Camp oromgohi ovqatlanish eng muhim jihatlardan biri ekanini yaxshi biladi va bu masalaga alohida e’tibor bilan yondashadi — menyu smenaning har bir kuni uchun alohida va e’tibor bilan ishlab chiqilgan. Taomlar porsiyalab tortiladi, ammo bolalar har doim “dobavka” so‘rashi mumkin. Aytishlaricha, pitssa, palov va sho‘rvalar ayniqsa mazali tayyorlanadi, smenaning so‘nggi kunidagi shvedcha stol esa — shunchaki mazza.
West Camp jamoasi konsultantlar, sport va hordiq bo‘yicha instruktorlar, til o‘qituvchilari, IIV qo‘riqchilari, tibbiyot xodimlari va, albatta, orasida oromgohning sobiq dam oluvchilari ham bo‘lgan yetakchilardan iborat. Xodimlar yoshi, bilimi, tajribasi va bolalar bilan ishlash ko‘nikmalaridan kelib chiqib, izchil saralab olinadi. Bundan tashqari, West Camp xodimlari bolalarga hordiq bo‘yicha a’lo hissiyotlar va unutilmas taassurotlar tuhfa etishga harakat qiladigan mehribon va iqtidorli insonlardir.
Aytmoqchi, West Camp har yili ingliz tilida yozilgan eng yaxshi insho tanlovini o‘tkazadi va uch nafar g‘olibni taqdirlaydi. Bu yil, o‘z yubileyi sharafiga, oromgoh ma’muriyati naq o‘n kishini saralab olib, ularga yozgi oromgohning joriy mavsumdagi 5, 6 va 7-smenalariga bepul yo‘llanmalarni taqdim etdi.
Oldinda West Camp’ning avgust oxiriga qadar davom etadigan va navbatdagi o‘quv yili oldidan bolalarga bir olam taassurot va hissiyotlar tuhfa etadigan ikki smenasi turibdi.
Xo‘sh, farzandlaringiz qanday hordiq chiqaryapti?
Tel: +998 90 984 82 82, +998 90 964 82 82Sayt: www.westcamp.uzFacebook: @westcampuzInstagram : westcamp.uz
Reklama huquqi asosida.
Izoh (0)