Футбол бўйича Халқаро Чемпионлар Кубоги доирасида 24 июль, чоршанба куни 3 та учрашув якунланди.
Зинедин Зидан бошлиқ Мадриднинг «Реал» клуби Унаи Эмери қўл остидаги Лондоннинг «Арсенал» клуби билан баҳсга киришди.
Беллашувнинг 10-дақиқасида лондонликлар ҳужумчиси Александр Ляказетт пеналтидан Кейлор Навас дарвозасини ишғол қилган бўлса, 24-дақиқага келиб Пер Эмерик Обамеянг ҳисобни 2:0 кўринишига олиб келди. 56-дақиқада эса «Қироллик клуби» аъзоси Гарет Бэйл ҳисобни қисқартирди (2:1). Орадан 3 дақиқа ўтиб Мадрид клуби ярим ҳимоячиси Марко Асенсио ҳам ўз номига битта гол ёздириб қўйди (2:2).
Ўйиннинг асосий вақтида ғолиб жамоа номи аниқланмади. Пеналтилар сериясида эса «Реал» «Арсенал»ни 3:2 ҳисобида мағлубиятга учратди.
Шу куни Мюнхеннинг «Бавария» клуби «Милан» жамоасига қарши майдонга тушди.
Учрашувдаги ягона гол 45-дақиқада урилди. Унга немис клуби ярим ҳимоячиси Леон Горетцка муаллифлик қилди.
Шу тариқа «Бавария» «Милан»ни кичик ҳисобда енгди.
Мадриднинг «Атлетико» клуби эса Мексиканинг «Гвадалахара» жамоасидан пеналтилар сериясида устун келди (0:0, 4:5—пеналтилар серияси).
Халқаро Чемпионлар Кубоги
24 июль, чоршанба куни
«Реал»—«Арсенал» 2:2 (пеналтилар серияси—3:2)
Голлар: 0:1 — 10, пеналти, Ляказетт, 0:2 — 24 Обамеянг, 1:2 — 56 Бэйл, 2:2 — 59 Асенсио«Реал Мадрид»: Навас (Куртуа, 46), Начо, Рамос (Адри, 65), Карвахаль (Одриосола, 46), Менди (Марсело, 46), Васкес (Иско, 46), Кроос (Фидальго, 65), Модрич (Сеоане, 65), Азар (Бэйл, 46), Бензема (Асенсио, 46; Винисиус Жуниор, 65), Йович (Варан, 16)
«Арсенал»: Мартинес, Чемберс, Папастатопулос, Колашинац, Женкинсон, Ўзил (Сака, 74), Мхитарян (Нелсон, 75), Жака, Уиллок (Монреал, 46), Обамеянг (Бартон, 75), Ляказетт (Нкетиа, 74)
Пеналтилар серияси — 1:0, 1:1, 2:1, 2:2, 3:2
Огоҳлантиришлар: Начо (5), Карвахаль (26), Папастатопулос (38)
Четлатишлар: Начо (9), Папастатопулос (40)
«Бавария»—«Милан» 1:0
Гол: 1:0 — 45 Горетцка«Бавария»: Ноер (Ульрайх, 46), Киммих (Михалевич, 46), Зюле, Павар, Толиссо (Алькантара, 46), Дэвис, Саншеш (Сингх, 59), Горетцка, Коман (Алаба, 59), Арп, Мюллер (Штиллер, 80)
«Милан»: Доннарумма, Калабрия, Тео (Конти, 45), Стринич, Габбия, Кастильехо (Мионич, 90), Чалхонўғлу, Борини (Брешанини, 90), Биглия, Малдини (Кутроне, 58), Пёнтек
Огоҳлантириш: Чалхонўғлу (49)
«Гвадалахара»—«Атлетико» 0:0 (пеналтилар серияси—4:5)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)