Futbol bo‘yicha Xalqaro Chempionlar Kubogi doirasida 24-iyul, chorshanba kuni 3 ta uchrashuv yakunlandi.
Zinedin Zidan boshliq Madridning “Real” klubi Unai Emeri qo‘l ostidagi Londonning “Arsenal” klubi bilan bahsga kirishdi.
Bellashuvning 10-daqiqasida londonliklar hujumchisi Aleksandr Lyakazett penaltidan Keylor Navas darvozasini ishg‘ol qilgan bo‘lsa, 24-daqiqaga kelib Pyer Emerik Obameyang hisobni 2:0 ko‘rinishiga olib keldi. 56-daqiqada esa “Qirollik klubi” a’zosi Garet Beyl hisobni qisqartirdi (2:1). Oradan 3 daqiqa o‘tib Madrid klubi yarim himoyachisi Marko Asensio ham o‘z nomiga bitta gol yozdirib qo‘ydi (2:2).
O‘yinning asosiy vaqtida g‘olib jamoa nomi aniqlanmadi. Penaltilar seriyasida esa “Real” “Arsenal”ni 3:2 hisobida mag‘lubiyatga uchratdi.
Shu kuni Myunxenning “Bavariya” klubi “Milan” jamoasiga qarshi maydonga tushdi.
Uchrashuvdagi yagona gol 45-daqiqada urildi. Unga nemis klubi yarim himoyachisi Leon Goretska mualliflik qildi.
Shu tariqa “Bavariya” “Milan”ni kichik hisobda yengdi.
Madridning “Atletiko” klubi esa Meksikaning “Gvadalaxara” jamoasidan penaltilar seriyasida ustun keldi (0:0, 4:5—penaltilar seriyasi).
Xalqaro Chempionlar Kubogi
24-iyul, chorshanba kuni
“Real”—“Arsenal” 2:2 (penaltilar seriyasi—3:2)
Gollar: 0:1 — 10, penalti, Lyakazett, 0:2 — 24 Obameyang, 1:2 — 56 Beyl, 2:2 — 59 Asensio“Real Madrid”: Navas (Kurtua, 46), Nacho, Ramos (Adri, 65), Karvaxal (Odriosola, 46), Mendi (Marselo, 46), Vaskes (Isko, 46), Kroos (Fidalgo, 65), Modrich (Seoane, 65), Azar (Beyl, 46), Benzema (Asensio, 46; Vinisius Junior, 65), Yovich (Varan, 16)
“Arsenal”: Martines, Chembers, Papastatopulos, Kolashinats, Jenkinson, O‘zil (Saka, 74), Mxitaryan (Nelson, 75), Jaka, Uillok (Monreal, 46), Obameyang (Barton, 75), Lyakazett (Nketia, 74)
Penaltilar seriyasi — 1:0, 1:1, 2:1, 2:2, 3:2
Ogohlantirishlar: Nacho (5), Karvaxal (26), Papastatopulos (38)
Chetlatishlar: Nacho (9), Papastatopulos (40)
“Bavariya”—“Milan” 1:0
Gol: 1:0 — 45 Goretska“Bavariya”: Noyer (Ulrayx, 46), Kimmix (Mixalevich, 46), Zyule, Pavar, Tolisso (Alkantara, 46), Devis, Sanshesh (Singx, 59), Goretska, Koman (Alaba, 59), Arp, Myuller (Shtiller, 80)
“Milan”: Donnarumma, Kalabriya, Teo (Konti, 45), Strinich, Gabbiya, Kastilyexo (Mionich, 90), Chalxono‘g‘lu, Borini (Breshanini, 90), Bigliya, Maldini (Kutrone, 58), Pyontek
Ogohlantirish: Chalxono‘g‘lu (49)
“Gvadalaxara”—“Atletiko” 0:0 (penaltilar seriyasi—4:5)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)