Бугун,

  • USD 11095.31
  • RUB 173.84
  • EUR 10772.44

18 июлнинг эътиборга молик янгиликлари — «Дарё» дайжестида.

Депутатлар автомобиль ойналарини қорайтириш масаласини қандай ҳал қилмоқчи?

Депутатлар эътироф этганидек, ушбу масалада муаммонинг ечими сифатида Ҳукумат қарорига тегишли ўзгартириш киритишни назарда тутувчи таклиф тайёрланмоқда. Яъни, Йўл ҳаракати қоидаларининг 3-иловаси 7.4-бандига мувофиқ транспорт воситасининг олд, ён ва орқа ойналарининг ёруғлик ўтказувчанлиги 70 фоиздан кам бўлса, ундан фойдаланиш тақиқланиши белгиланган нормани қайта кўриб чиқиш мақсадга мувофиқ. Унга кўра, мамлакатимизда ушбу 70 фоиз чеклови 55 фоизга туширилса, ҳайдовчилар бемалол термал плёнкадан фойдаланиши мумкин бўлади. Бу эса, нафақат йўловчиларга, балки, ҳайдовчиларга ҳам афзаллик туғдиради. Депутатлар, шунингдек, ушбу амалиётни жамоат транспортларида ҳам қўллаш таклифини илгари сурди.

***

Марғилон шаҳрида коллеж ходимлари хонадонлари сносга тушган фуқароларнинг уйини бузяпти.

Айни пайтда меҳнат таътилида бўлиши керак бўлган ўқитувчилар шаҳардаги уй-жойлар бузилишига жалб қилингани ачинарли ҳол. Марғилондаги коллежлар ходимлари янги ўқув йилига тайёргарликни 38-40 даража иссиқ остида, чанг-тўзонларга тўла қурилиш майдонларида олиб бормоқда.

***

Июнь охиридан, узоқ йиллар давомида биринчи марта Қозоғистон Ўзбекистонга электр энергиясини экспорт қила бошлади.

Ўзбекистонга 17 июль ҳолатига кўра 145 миллион киловатт-соат электр энергияси етказиб берилди. Икки мамлакат ўртасидаги келишувга кўра, йил давомида Ўзбекистонга 1 миллиард киловатт-соатдан ортиқ электр энергияси экспорт қилинади.

***

Давлат органлари ходимларининг формали кийим-бош кийиб юриши тартиби тўғрисида Президент қарори қабул қилинди.

Қарорда муайян вазифаларни бажаришда ҳарбий ва идоравий формали кийим-бош кийиб юриш ҳуқуқи белгиланди.

Мазкур тартиб 2020 йилнинг 1 январгача босқичма-босқич жорий этилади.

***

Тошкентда мижознинг пластик картасидан 3 млн сўм ўмарган оператор қўлга олинди.

Фуқаронинг илтимоси билан ўзига тегишли уяли телефонига уланган «Payme» дастури орқали Рустам Муҳиддинов номидаги пластик карта ҳисобидан ойлик интернет хизмати учун пул тўловини ўтказиб берган. Шундан сўнг унинг пластик карточкаси махфий код рақамини телефонида сақлаб қолиб, кейинчалик ундан фойдаланиб, компьютер тизимига рухсатсиз кирган.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?