18-iyulning e’tiborga molik yangiliklari — “Daryo” dayjestida.
Deputatlar avtomobil oynalarini qoraytirish masalasini qanday hal qilmoqchi?
Deputatlar e’tirof etganidek, ushbu masalada muammoning yechimi sifatida Hukumat qaroriga tegishli o‘zgartirish kiritishni nazarda tutuvchi taklif tayyorlanmoqda. Ya’ni, Yo‘l harakati qoidalarining 3-ilovasi 7.4-bandiga muvofiq transport vositasining old, yon va orqa oynalarining yorug‘lik o‘tkazuvchanligi 70 foizdan kam bo‘lsa, undan foydalanish taqiqlanishi belgilangan normani qayta ko‘rib chiqish maqsadga muvofiq. Unga ko‘ra, mamlakatimizda ushbu 70 foiz cheklovi 55 foizga tushirilsa, haydovchilar bemalol termal plyonkadan foydalanishi mumkin bo‘ladi. Bu esa, nafaqat yo‘lovchilarga, balki, haydovchilarga ham afzallik tug‘diradi. Deputatlar, shuningdek, ushbu amaliyotni jamoat transportlarida ham qo‘llash taklifini ilgari surdi.
***
Marg‘ilon shahrida kollej xodimlari xonadonlari snosga tushgan fuqarolarning uyini buzyapti.
Ayni paytda mehnat ta’tilida bo‘lishi kerak bo‘lgan o‘qituvchilar shahardagi uy-joylar buzilishiga jalb qilingani achinarli hol. Marg‘ilondagi kollejlar xodimlari yangi o‘quv yiliga tayyorgarlikni 38-40 daraja issiq ostida, chang-to‘zonlarga to‘la qurilish maydonlarida olib bormoqda.
***
Iyun oxiridan, uzoq yillar davomida birinchi marta Qozog‘iston O‘zbekistonga elektr energiyasini eksport qila boshladi.
O‘zbekistonga 17-iyul holatiga ko‘ra 145 million kilovatt-soat elektr energiyasi yetkazib berildi. Ikki mamlakat o‘rtasidagi kelishuvga ko‘ra, yil davomida O‘zbekistonga 1 milliard kilovatt-soatdan ortiq elektr energiyasi eksport qilinadi.
***
Davlat organlari xodimlarining formali kiyim-bosh kiyib yurishi tartibi to‘g‘risida Prezident qarori qabul qilindi.
Qarorda muayyan vazifalarni bajarishda harbiy va idoraviy formali kiyim-bosh kiyib yurish huquqi belgilandi.
Mazkur tartib 2020-yilning 1-yanvargacha bosqichma-bosqich joriy etiladi.
***
Toshkentda mijozning plastik kartasidan 3 mln so‘m o‘margan operator qo‘lga olindi.
Fuqaroning iltimosi bilan o‘ziga tegishli uyali telefoniga ulangan “Payme” dasturi orqali Rustam Muhiddinov nomidagi plastik karta hisobidan oylik internet xizmati uchun pul to‘lovini o‘tkazib bergan. Shundan so‘ng uning plastik kartochkasi maxfiy kod raqamini telefonida saqlab qolib, keyinchalik undan foydalanib, kompyuter tizimiga ruxsatsiz kirgan.
Izoh (0)