Facebook ҳамда яна ўнлаб компаниялар томонидан яратилаётган Libra криптовалютаси Messenger, WhatsApp ёки Calibra мобил дастури фойдаланувчилари ўзларининг электрон ҳамёнидаги маблағни бир сонияда бошқа бир ҳамёнга ўтказишига хизмат қилади. Бу ҳақда Calibra Facebook раҳбари Дэвид Маркусга таяниб, «РИА Новости» хабар берди.
«Cалибра ҳамёни фойдаланувчига Libra’ни матнли хабарларни ўқий оладиган смартфонга эга бошқа бир исталган одамга энг арзон нархда юбориш имконини тақдим этади. Libra’нинг мақсади — барча фойдаланиши мумкин бўлган хавфсиз ва барқарор блокчейнга асосланган рақамли валютани яратиш», — дейди Маркус.
Libra доллар, фунт-стерлинг ва иена валюталарининг қийматидан келиб чиқиб котировка қилинади.
Шунингдек, Маркус мазкур тизимнинг таъсисчилари рўйхатини ҳам эълон қилди. Улар орасида PayPal, Mastercаrd, Vodafone, Visa, Uber, Booking Holdings, eBay каби компаниялар бор.
Изоҳ (0)