14 июль, якшанба куни футбол бўйича Африка Миллатлар Кубогинининг ярим финал учрашувлари бўлиб ўтди.
Куннинг дастлабки ўйинида Сенегал терма жамоаси Тунис термасига қарши майдонга тушди.
Беллашувнинг асосий вақтида ғолиб номи аниқланмади (0:0).
Қўшимча бўлимнинг 100-дақиқасида эса тунислик ҳимоячи Дилан Бронн ўз дарвозасига гол уриб қўйди (0:1).
Шу тариқа Сенегал мусобақанинг 1/2 финалида Тунисни мағлубиятга учратиб, финал йўлланмасини қўлга киритди.
Иккинчи ярим финал учрашувида эса Жазоир терма жамоаси Нигерия термаси билан баҳсга киришди.
Ўйиннинг 40-дақиқасида нигериялик Уильям Трост-Эконг ўз дарвозасини ишғол қилиб қўйган бўлса, 72-дақиқага келиб Жазоир дарвозаси томон пенальти белгиланди. Ундан ҳужумчи Одион Игало унумли фойдаланиб, ҳисобни тенглаштирди (1:1).
Учрашувнинг сўнгги дақиқаларида (90+5-дақиқа) жазоирлик ярим ҳимоячи Рияд Маҳрез рақиб дарвозасига гол урди (2:1).
Ўйин якунига кўра, Жазоир Нигериядан 2:1 ҳисобида устун келиб, финалга чиқди (2:1).
Эндиликда Жазоир терма жамоаси 19 июль куни бўлиб ўтадиган финал баҳсида Сенегал термаси билан ғолиблик учун курашади. Нигерия эса мусобақанинг 3-ўрини учун кечадиган беллашувда Тунис билан ўйнайди. Ўйин 17 июль куни ўтказилиши режалаштирилган.
Африка Миллатлар Кубоги
1/2 финал баҳслари
14 июль, якшанба
Сенегал—Тунис 1:0
Гол: 1:0 — 100, автогол, БроннЖазоир—Нигерия 2:1
Голлар: 1:0 — 40, автогол, Трост-Эконг, 1:1 — 72, пенальти, Игало, 2:1 — 90+5 МаҳрезЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)