Аввалроқ хабар берганимиздек, бугун Олий Мажлис Сенати Мудофаа ва хавфсизлик масалалари қўмитасида Ички ишлар вазирлиги фаолиятининг 2019 йил биринчи ярим йиллигида амалга оширилган ишлари тўғрисидаги ҳисоботига бағишланган мажлиси бўлиб ўтди.
Қуйида Ички ишлар вазири ўринбосари Рустам Ҳотамовнинг маърузасида келтирилган айрим рақамларни бўлишамиз.
Кадрлар масаласи
- Республикада жами 9 009 нафар профилактика инспекторларининг жамоат тартибини сақлаш бўйича ёрдамчилари янги лавозимлари жорий этилган.
- Жиноят содир этишга мойил ёки оғир вазиятга тушиб қолган шахсларга психологик ёрдам кўрсатиш мақсадида вазияти оғир ҳисобланган ҳудудлардаги ички ишлар органларига 89 та психолог лавозимлари
- Жиноят қидирув хизмати тезкор аппаратининг 37 фоизи қуйи тизимга туширилиб, шаҳар-туман ички ишлар органларининг тезкорлигини кучайтирилган.
- Ҳар куни содир этилган жиноятлар билан ҳокимлар ва сектор раҳбарлари шахсан танишиб, ўзларига бириктирилган ҳудудда ташкил этган ҳуқуқбузарликлар профилактикаси тадбирлари асосида шу йил содир этилган 4 978 та жиноятлар аҳоли ўртасида муҳокама қилинган;
- Жиноят ишлари бўйича қидирувга эълон қилинган 243 нафар шахслар ушланди;
- Республикада жиноий ҳаракатларни содир этишга ҳозирлик кўрган шахслардан 70 дона қурол, 1 197 та ўқ-дори, диний-экстремистик ғояларни тарғиб этишда фойдаланилган 427 дона адабиёт ва 1 120 дона бошқа ахборот ташувчи воситалар олинди;
- Гиёҳвандликка қарши курашиш борасида 1 810 та жиноятлар аниқланиб, жиноятчилардан 303,8 кг наркотик моддалар олинди;
- Терроризм ва экстремизм йўналишида жиноят содир этган шахсларнинг ижтимоийлашувини таъминлаш борасида уларда 14 391 та муаммолар аниқланиб, 11 317 таси ҳал этилди;
- Комплекс чора-тадбирлар натижасида 2019 йилнинг 6 ойи мобайнида республика ҳудудида содир этилган жиноятлар сони 6 935 тага (21 568 / 14 633) ёки 32,2 фоизга, жиноят қидирув соҳасидаги жиноятлар сони эса 5 623 тага (13 482 / 7 859) ёки 41,7 фоизга камайди.
- Республикада 9 093 та маҳалла фуқаролар йиғинларидан 5 747 тасида жиноятлар содир этилишига йўл қўйилмади ва яна 1 266 та маҳаллада содир этилган жиноятлар сони камайишига эришилди.
- Йўл ҳаракати хавфсизлигини таъминлаш борасида 35 та мобил ва стационар радарлар қўшимча харид қилиниб, уларнинг сони 116 тага
- Андижон, Наманган, Фарғона ва Тошкент вилоятларида 181 та чорраҳа ва 226 та йўл участкаларида Йўл ҳаракати қоидабузарликларини фото-видео фиксация қилишнинг автоматлаштирилган тизими лойиҳаси амалга оширилмоқда.
- Республика автомобиль йўлларида 2,4 млн.дан ортиқ йўл ҳаракати қоидабузарликлари аниқланиб, 231,4 млрд сўм миқдорида жарималар ундирилган.
Изоҳ (0)