«Ҳудудий электр тармоқлари» АЖ томонидан айни пайтгача мамлакатимизнинг 24 та туман ва шаҳарларида 872 000 дан зиёд замонавий электр ҳисоблагичлар ўрнатилди.
Йил якунига қадар 2 миллиондан ортиқ электр ҳисоблагичлар ўрнатилиши режалаштирилган бўлса, 2021 йил якунига бориб 7 миллиондан ортиқ истеъмолчиларнинг барчаси ушбу тизимга тўлиқ уланиши таъминланади.
Ҳозирги кунда истеъмолчиларга ўрнатилаётган замонавий электр ҳисоблагичлар Жанубий Кореянинг «KT Corporation», «Электрон ҳисоблагич» МЧЖ ва «Тошелектроаппарат» МЧЖ томонидан ишлаб чиқарилаётган ва «Ўзстандарт» агентлигидан тасдиқланган, техник талабларга тўлиқ жавоб бера оладиган ҳисоблагичлар ўрнатилмоқда.
Замонавий электр ҳисоблагичларнинг техник кўрсаткичлари қуйидагича:
Электр кучланиши – 230±10% V;
Максимал электр ток ўтказиши – 60А;
– Ўрнатилаётган замонавий ҳисоблагичларнинг электр токи ўтказиши 60 А ёки 13,2 кВт қувватга мўлжалланган, – дейди «Электрон ҳисоблагич» МЧЖ бош директори ўринбосари Қаҳрамон Нурматов.
– Мисол учун, ўртача битта хонадонда 11,3 кВтли (1 та кондиционер – 1,2 кВт, 15 та ёритгич – 0,2 кВт, телевизор – 0,075 кВт, дазмол – 1 кВт, иситиш мосламаси – 3 кВт, тефал – 1,5 кВт, музлатгич – 1,0 кВт, чангютгич – 1,2 кВт, микротўлқинли печ – 1,2 кВт, компьютер/принтер – 0,8 кВт ва бошқа электр қурилмалар – 0,1кВт) электр қурилмалардан фойдаланилади.
Ушбу қурилмалардан бир вақтнинг ўзида фойдаланганда ҳам ҳисоблагичнинг иш фаолиятига ҳеч қандай таъсир кўрсатмайди.
Шу ўринда, истеъмолчиларимиз етказиб берилаётган электр энергиясидан тежамкорлик ва ундан оқилона фойдаланишларини, электр қурилмаларининг ишдан чиқиши ва авариявий ўчишларнинг олдини олишда ўз ҳиссаларини қўшишларини сўраймиз.
Маълумот шериклик асосида тайёрланди
Изоҳ (0)