Ўзбекистон истеъмолчилар ҳуқуқларини ҳимоя қилиш жамиятлари федерацияси республика бозорларидаги нарх-навони ўрганишни давом эттиради, бу ҳақда «Халқ сўзи» хабар қилади.
Республика бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2019 йил 7 июль ҳолатидаги нархлари
Мол гўшти:
28 000 сўмдан — 42 000 сўмгача
Энг арзон нарх Қорақалпоғистон Республикасининг Нукус шаҳар марказий деҳқон бозорида кузатилди. Ушбу бозорда 1 кг мол гўштининг нархи 28 000 сўмдан — 40 000 сўмгача сотилмоқда.
Бир килограмм мол гўшти учун энг қиммат нарх Навоий шаҳридаги «Саховат» МЧЖга тегишли деҳқон бозорида қайд этилган — 34 000— 42 000 сўм.
Қўй гўшти:
32 000 сўмдан – 45 000 сўмгача
Энг арзон нарх 1 кг қўй гўшти учун Тошкентнинг «Миробод», «Фарҳод», «Чорсу» бозорларида қайд этилди. Бу ерда сиз 1 кг қўй гўштини 32 000 дан 42 000 сўмгача харид қилишингиз мумкин.
Энг қиммат нарх бу ҳафтада Сурхондарё вилояти Термиз шаҳар марказий бозорида кузатилди — 1 кг қўй гўшти – 40 000 дан 45 000 сўмгача.
Товуқ гўшти:
12 000 сўмдан — 20 000 сўмгача
Энг арзон нарх Бухоро шаҳар Марказий деҳқон бозори ва Хоразм вилояти Урганч шаҳар марказий деҳқон бозорида қайд этилди — 12 000 сўмдан — 16 000 сўмгача.
Энг қиммат нархдаги товуқ гўшти эса Самарқанддаги «Сиёб» бозори ва Тошкентдаги «Миробод» деҳқон бозорида кузатилди — 18 000— 20 000 сўм.
Гуруч:
4 000 сўмдан — 16 000 сўмгача
Энг арзон нарх Тошкентнинг «Фарҳод» деҳқон бозорида ҳамда Самарқанд шаҳри «Сиёб» бозорида қайд этилган — 4 000—12 000 сўм.
Энг қиммат нарх эса Жиззах шаҳри Марказий деҳқон бозорида кузатилган – 5 000 — 16 000 сўм.
Ўсимлик ёғи:
8000 сўмдан — 13 500 сўмгача
Энг арзон ўсимлик ёғи Тошкентдаги Фарҳод деҳқон бозорида кузатилди. Бу ерда сиз ўсимлик ёғини 8 000 сўмдан — 11 500 сўмгача харид қилишингиз мумкин.
Энг қиммат нарх Наманган шаҳри «Сардоба« деҳқон бозорида қайд этилган — 9 000 дан 13 500 сўмгача.
Ун:
1 750 сўмдан — 4 900 сўмгача
Энг арзон нархдаги ун Сирдарё вилояти Гулистон шаҳри марказий деҳқон бозорида кузатилди. Бу ерда сиз 1 килограмм олий навли ун учун 2 000 сўм тўлашингиз зарур бўлади.
1-навли уннинг килограмми учун энг арзон нарх пойтахтдаги «Миробод», «Фарҳод», «Чорсу» ва «Қўйлиқ» деҳқон бозорлари ҳамда Фарғона марказий деҳқон бозорида қайд этилди — бу сумма 1 750 сўмни ташкил қилмоқда.
Энг қиммат нарх 1 килограмм олий навли ун Тошкент шаҳридаги Миробод деҳқон бозорида қайд этилди — 4 900 сўм.
1-навли уннинг килограмми учун эса энг қиммат нарх Сирдарёнинг Гулистон шаҳри Марказий деҳқон бозорида кузатилди — 4 800 сўмгача.
Шакар:
4 500 сўмдан — 5 500 сўмгача
Энг арзон нарх Тошкент шаҳридаги «Миробод» деҳқон бозорида кузатилди — 4 500—5 200 сўм.
1 кг шакар учун Республикадаги энг қиммат нарх Нукус шаҳар, Жиззах шаҳри, Навоий шаҳридаги «Саховат» МЧЖга қарашли Марказий деҳқон бозори, Сурхондарё вилояти Термиз шаҳар марказий деҳқон бозорида ва Фарғона марказий деҳқон бозорида қайд этилди — 5 000—5 500 сўм.
Тухум:
350 сўмдан — 700 сўмгача
Республика бозорларида 1 дона товуқ тухумини ўртача 350—700 сўмдан харид қилишингиз мумкин.
Картошка:
1 000 сўмдан — 3 000 сўмгача
Энг арзон нарх республиканинг қатор бозорларида 1 килограмм картошканинг арзон нархи 1 000 сўмдан бошлаб сотилмоқда.
1 килограмм картошка учун энг қиммат нарх пойтахтдаги «Чорсу» ва Гулистон шаҳар Марказий деҳқон бозорида кузатилди — 1 000 — 3 000 сўмгача.
Помидор:
1 500 сўмдан — 6 000 сўмгача
Энг арзон нарх Қорақалпоғистон Республикаси Нукус шаҳар марказий деҳқон бозорида кузатилди – 1 000 сўмдан – 2 500 сўмгача.
Энг қиммат нарх эса пойтахтдаги «Чорсу» ҳамда «Фарҳод» деҳқон бозорларида қайд этилди – 3 000 – 6 000 сўмгача.
Хўжалик совуни:
800 сўмдан – 3 500 сўмгача
Энг арзон нарх Намангандаги «Сардоба» деҳқон бозорида кузатилди. Ушбу бозорда сиз хўжалик совунини 800 сўмдан (3 500 сўмгача) харид қилишингиз мумкин.
Энг қиммат нарх Жиззах шаҳри Марказий деҳқон бозори, Наманган шаҳри «Сардоба» деҳқон бозорида ва Тошкентдаги «Юнусобод» деҳқон бозорида қайд этилди – 800—3 500 сўм.
Изоҳ (0)