4 июлнинг эътиборга молик янгиликлари — «Дарё» дайжестида.
Ўз уйида ўлдириб кетилган ТАТУ талабасининг қотили сифатида унинг яқин қариндоши қўлга олинди.
Аниқланишича, А.Шаробиддиновни яқин қариндоши, вояга етмаган Р.Г. ўзаро келиб чиққан жанжал негизида ошхона пичоғи билан уриб, тан жароҳати етказиб, ўлдирган.
***
Тошкентда Spark ҳайдаб кетаётган аёл ҳушини йўқотиб, «Бўзсув» каналига қулади.
Маълум бўлишича, ҳодисага унинг тўсатдан ҳушидан кетиши сабаб бўлган. Оқибатда 12 метр баландликдан чуқурлиги 5 метр бўлган «Бўзсув» каналига қулаган. Машина сувга тўлган. Аёл дарз кетган олд ойна орқали чиқишга муваффақ бўлган.
***
Гулнора Каримованинг адвокати: Швейцария Ўзбекистонга 555 млн доллар қайтаришни тўхтатиб қўйди.
«Швейцария федерал судидаги учинчи йирик ғалаба. 555 миллион долларни қайтариш дарҳол тўхтатилди. Ўзбекистон бизнинг мижозимизни қамоқда сақлашни тўхтатмас экан, ҳамкорлик бўлмайди. Унга янада кўпроқ босим ўтказишмоқда. Каримованинг ҳаёти хавф остида», — деб ёзади Манжа.
***
Тошкентда янги қурилаётган уй аланга олди.
4 июль куни соат 06.33 да Яккасарой тумани, Миробод кўчаси, 35-уй қаршисида янги қурилаётган уйнинг ертўласида 40 квадрат метр майдонда пенопласт бўлаклари ёнган.
***
Коинот пайдо бўлишининг бутун тарихи 10 дақиқалик видеода кўрсатиб берилди.
Роликнинг ҳар бир сонияси 22 миллион йилни ўз ичига олади. Бундай масштаблаштиришда Қуёш ва Қуёш тизими фильмнинг тўртинчи дақиқасидагина пайдо бўлади, бутун инсоният тарихи эса бир сониядан камроқ вақтни олади. «Бу Коинотимиз қанчалик улуғвор ёшда, ўзимиз эса қанчалик ёш эканлигимизни тушуниш имконини беради», — дейди муаллиф.
Изоҳ (0)