«Бавария», «Реал» ҳамда «Челси» собиқ ярим ҳимоячиси Арьен Роббен футболчилик фаолиятини якунлаганини эълон қилди.
«Мен профессионал футболдаги карьерамни якунлашга қарор қилдим. Шак-шубҳасиз, бу менинг карьерамдаги қабул қилишим керак бўлган энг қийин қарор бўлди», — дейди 35 ёшли нидерландиялик.Эслатиб ўтамиз, Роббен фаолияти давомида «Гронинген», ПСВ, «Челси», «Реал» ва «Бавария» клубларида тўп сурди. У карьерасида жами 30 та совринга эга чиқди.
Роббен «Бавария» сафида 8 марта Германияда, «Челси» таркибида 2 бор Англия чемпионига айланган бўлса, 1 мартадан «Реал» билан Испания ҳамда ПСВ билан Нидерландия чемпионатида ғалаба қозонди.
Роббен 2012/13 йилги мавсум «Бавария» сафида Европа Чемпионлар Лигасида ғолиб бўлди. Ўшанда футболчи Дортмунднинг «Боруссия» жамоасига қарши кечган финал баҳсида ғалаба голини урганди.
Маълумот учун, Роббен Нидерландия терма жамоаси таркибида умумий ҳисобда 96 та учрашувда 37 та гол уришга эришди. У терма жамоа билан биргаликда Жаҳон Чемпионатларида кумуш (2010) ва бронза (2014) медалларини қўлга киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)