Бундан бир ой аввал Мудофаа вазирининг тарбиявий ва мафкуравий ишлар бўйича ўринбосари генерал майор Азизбек Икрамов бошчилигидаги сайёр қабул гуруҳи Жануби-ғарбий махсус ҳарбий округнинг Сурхондарё вилояти, «Какайди қўрғони»да жойлашган ҳарбий қисмга ташриф буюрган эди.
Вазирлиги матбуот хизматининг хабар беришича, ташриф давомида Мудофаа вазирининг ўринбосари томонидан ҳарбий қисмнинг замонавий қиёфага келтириш, ҳарбий шаҳарчада яшаётган ҳарбий оилаларнинг фаровон турмуш даражасини ошириш, уй бекаларига қўшимча иш ўринлари яратиш ва бошқа муҳим масалалар юзасидан қатор вазифалар қўйилган.
Мудофаа вазирлиги Ахборот ва оммавий коммуникациялар департаментининг бир гуруҳ ижодий ходимлари ушбу ҳарбий қисмда жадал амалга оширилаётган ишларни кўриб, қўйилган вазифаларнинг аъло даражада бажарилаётганига гувоҳ бўлди.
Хусусан, ҳарбий қисмга ўзгача кўрк қўшадиган ландшафтли безаклар, турли хил суптуропик ўсимликларни экиш ишлари авжида. Гўзаллик салони, озиқ-овқат дўкони, тикувчилик цехи каби хизмат кўрсатиш шохобчаларининг иш бошлаган.
Ҳарбий қисмда ҳарбий хизматчиларнинг фарзандлари ёзги таътилни унумли ўтказишлари учун информатика, адабиёт, математика каби фанлар ҳамда турли спорт тўгараклари ташкил этилган.
Эслатиб ўтамиз, ушбу ҳарбий қисм округ миқёсида ўтказилган энг намунали ҳарбий қисм кўрик-танловида фахрли иккинчи ўринни қўлга киритган эди.
Изоҳ (0)