«Дарё» мусаҳҳиҳ ва журналистларни ишга олади

Ўзбекистондаги энг оммабоп интернет-нашрда ишлашни хоҳлайсизми? Дунё ва Ўзбекистондаги сўнгги янгиликларни ўз тенгқурларингизга мунтазам етказишни-чи?

Биз ишга олмоқчи бўлган журналист олдига қўйиладиган вазифалар:

• «Дарё» интернет-нашри учун хабар ва муаллифлик мақолалари ёзиш;
• «Дарё» номидан турли тадбирлар (брифинг, матбуот анжуманлари)да иштирок этиш;
• Чет эл интернет-нашрлари ва ахборот агентликлари хабарларини таржима қилиш;
• ва интернет-журналистикага боғлиқ бошқа вазифалар.

Биз ишга олмоқчи бўлган мусаҳҳиҳ олдига қўйиладиган вазифалар:

• «Дарё» журналистлари тайёрлаган хабарларни чоп этилишидан аввал текшириш (мусаҳҳиҳ сифатида), таҳрир қилиш (муҳаррир сифатида);
• «Дарё» журналистлари тайёрлаган таржима хабарларидаги фактларни чоп этилишидан аввал манба билан қиёслаб текшириш;
• «Дарё» интернет-нашри учун хабар ва муаллифлик мақолалари ёзиш;
• Чет эл интернет-нашрлари ва ахборот агентликлари хабарларини таржима қилиш;
• ва интернет-журналистикага боғлиқ бошқа вазифалар.

Бизда:

• Ойлик: келишув асосида (рози қиламиз, ишонаверинг!);
• Янги, замонавий компьютер;
• Ёш, қизиқарли, хушчақчақ жамоа;
• Бепул, мазали тушлик (бай-бай-бай);
• Офисимиз шаҳарнинг қоқ марказида («Ҳамид Олимжон» метро бекати ёнида);
• Расмий меҳнат шартномаси.

Сизга қўйиладиган талаблар:

• Ўзбек ва рус тилларини мукаммал билиш (инглиз тилини ҳам билиш — нур устига нур);
• Лотин графикасига асосланган ўзбек ёзувини мукаммал билиш;
• Ёшингиз: аҳамиятсиз;
• Маълумотингиз: аҳамиятсиз;
• Компьютерда бемалол ишлаш;
• Тошкент шаҳри ёки Тошкент вилояти пропискаси (вақтинча прописка ҳам бўлиши мумкин).

Қизиқдингизми? У ҳолда:

Қуйидаги мақолаларни таржима қилиб, «Дарё» стилистикасига мослаб, бизга юборинг:

• https://www.championat.com/football/news-3795315-marselo-lishili-voditelskih-prav-za-otkaz-projti-proverku-na-alkogol.html
• https://www.championat.com/football/news-3795307-messi-idiotskie-reshenija-arbitrov-otvlekali-sbornuju-argentiny-ot-igry.html

«Дарё» стилистикаси нима?

• Қисқа ва лўнда (160—200 сўз);
• Кириш сўз ва хотима;
• Рақамларга эътибор;
• Ўзига жалб қилувчи сарлавҳа;
• Eniга камида 900 пикселли фотосурат.
• Бизнинг талабларни тўлиқ тушуниб етиш учун, илтимос, нашримиздаги хабарларни яхшилаб ўрганиб чиқинг.

Юқоридаги талабларни бажарган ҳолда, таржималарингизни Microsoft Word форматида, резюменгиз билан бирга info@simple.uz электрон манзилига юборинг. Таржимасиз хатлар қабул қилинмайди ва уларга жавоб берилмайди.

Таъкидлаш жоиз, талабларга жавоб бермаган таржималар кўриб чиқилмайди.

«Дарё» нашри ҳақида

«Дарё» интернет-нашри Simple Networking Solutions МЧЖга тегишлидир. Компания 2011 йилда ташкил топган бўлиб, ҳозирда «Мулоқот» ижтимоий тармоғи, «Дарё» интернет-нашри ва бошқа сайтларни юритади.

«Дарё» нашрига бир ойда 1,5 миллиондан ортиқ киши ташриф буюради. «Дарё» Ўзбекистондаги энг оммабоп онлайн-ОАВ бўлиб, 2014 йил ўтказилган Миллий UZ домени интернет фестивалида ушбу кўрсаткич алоҳида эътироф этилган.