Бугун,

  • USD 11095.31
  • RUB 173.84
  • EUR 10772.44

Кеча, 29 июнь куни Тошкент, Нукус, Наманган ва Хивада 2019/2020 ўқув йилида фаолиятини бошлайдиган Президент мактабларига илк саралаш имтиҳонлари бўлиб ўтди, дейилади «Minbar.uz» хабарида.

Фото: ЎзА

Фото: ЎзА

Имтиҳонга кузатувчи сифатида жалб этилган журналистлар ва кўнгилли ота-оналар жараён шаффоф ва адолатли ўтганини, ҳеч қандай таниш-билишчилик ёки қайсидир болага ёрдам бериш ҳолатлари бўлмагани, барчага бирдай шароит яратилганини таъкидлашди.

Уларнинг эътирофича, имтиҳонларнинг бу тарзда ташкиллаштирилганини кўрган одам Президент мактабларига энг билимли ўқувчилар саралаб олинишига амин бўлади.

Илк саралаш имтиҳонларидан сўнг ижтимоий тармоқларда ўқувчилар жавоб варақаларига жавоб вариантларини қалам билан белгилашгани, бу иш натижаларни сохталаштириш, жавобларни исталган вақтда ўзгартириш учун қилинаётгани ҳақида гап-сўзлар тарқалди.

«Minbar.uz» вазиятга ойдинлик киритиш мақсадида Президент мактабларига қабулни шаффоф ва адолатли ташкил этишга масъул ташкилот сифатида танланган Cambridge Assessment ташкилоти экспертлари билан боғланди:

«Мактаб ёшидаги болалар тестларни ечаётганда хато қилиши мумкин. Ёш болалар одатда битта жавобни белгилаб кейин унинг хато эканини билиб қолгач, жавобини ўзгартирмоқчи бўлади, аммо ручка ишлатилганда жавоблар варақасидаги жавобни тўғрилашнинг иложи йўқ. Тестларни текширадиган ускуна ручкада иккита жавоб белгиланган жавобни инобатга олмайди. Шу сабабли болаларга осон бўлиши учун ҳам жавобларни қаламда белгилашни таклиф қилганмиз. Бу бутун дунёда қўлланадиган тажриба», – дейди Cambridge Assessment эксперти Грем Бейжес.

«Жавоб варақалари имтиҳон тугаши билан конвертларга солиниб, холис кузатувчиларнинг кўз ўнгида муҳрланди, – дейди Cambridge Assessment эксперти Жессика Коп. – Жавоб варақалари шу куннинг ўзида Буюк Британияга олиб кетилди. Жавоблар Cambridge Assessment томонидан текширилади ва бу жараёнга маҳаллий мутахассислар аралаштирилмайди. Шундай экан, жавоб варақаларини сохталаштириш, жавобларни ўзгартириб қўйиш ҳақидаги хавотирлар асоссиз».

Эслатиб ўтамиз, Президент мактабларига иқтидорли ўқувчиларни қабул қилиш жараёнини адолатли, ишончли ва шаффоф ўтказиш Кембриж университетининг мутахассисларига ишониб топширилган.

Имтиҳонларнинг тўғри ва холис ўтишини Cambridge Ассесмент ташкилоти назорат қилади. Ўзбек экзаменаторларидан фарқли ўлароқ, хорижий экзаменаторларни сотиб олиб ёки уларга таъсир кўрсатиб бўлмайди.

Халқ таълими вазири Ўзбекистон президенти имтиҳон жараёнини холис ва тўғри ташкил қилишни энг асосий вазифа этиб топширганини маълум қилган эди.

1858 йилда ташкил этилган Cambridge Assessment Кембриж университетининг нотижорат кафедраси ҳисобланиб, 170 дан ортиқ мамлакатдаги 10 000 та мактабда 8 миллиондан зиёд ўқувчининг билимини баҳолашда кўмак беради. Компаниянинг тажрибаси Oxford, Stanford, Harvard, Yale, Columbia каби сара университетлар, Европа иттифоқи давлатлари, Канада, Австралия, Янги Зеландия ва бошқа кўплаб мамлакатлар университетлари томонидан тан олинган.

Изоҳ
Асосий янгиликлар
Маҳаллий
Нукусдаги тартибсизликлар оқибатида етказилган зарар миқдори маълум бўлди
Маҳаллий
Ўзбекистонда оилавий боғчалар 50 нафаргача бола олиши мумкин бўлади
Маҳаллий
Сурхондарёда 3 минг долларни 33,6 млн сўмга айирбошлаган ноқонуний «валютчик» ушланди