Украина президенти Владимир Зеленский Россия президенти Владимир Путинга украиналик денгизчиларни озод қилиш масаласида мурожаат қилди, бу ҳақда Sputnik хабар қилади.
«Барчамизда фарзандлар бор, болаларни ота-оналарига қайтариб беринг», — деди Украина президенти Киевда ўтказилган брифингда.
Зеленскийнинг сўзларига кўра, Украина ташқи ишлар вазири Павел Климкин ҳарбий денгизчилар бўйича Россия нотасига жавоб хатини келишмаган. Ушбу ҳолат юзасидан тушунтириш талаб қилди.
Шунингдек, Зеленский таъкидлашича, у мамлакат ташқи ишлар вазирлиги ҳаракатлари ҳақида интернетдан билиб олмоқда.
25 июнь куни Москва денгиз ҳуқуқи бўйича халқаро трибунал ва Украина элчихонасига нота юборди. Унда айтилишича, 24 нафар украиналик денгизчиларга нисабатан жиноий иш давом этмоқда, бироқ Россия «жиноий-процессуал қонунчилик доирасида» ёрдам беришга тайёрлигини маълум қилган.
Бунга жавобан Климкин Москвадан Халқаро трибунал қарорини зудлик билан ва сўзсиз бажариши ва барча қўлга олинган ҳарбийларни озод қилишини талаб қилди.
Керчь бўғозида бўлган ҳодиса
2018 йил ноябрда Украина ҳарбий денгиз кучларига қарашли бўлган учта кема Россия давлат чегараларини бузди ва Россия ҳукуматининг қонуний талабларига риоя қилмасдан бир неча соат давомида хавфли манёврларни амалга оширди.
Чегарачилар қоидабузарларни ушлади. Кемалар бортида жами 24 ҳарбий бўлган, улар ичида 2 нафари хавфсизлик хизмати ходими.
Суд барча ҳарбий хизматчиларни давлат чегарасини бузгани учун ҳибсга олиш тўғрисида қарор чиқарган.
Изоҳ (0)