Навоий вилояти қон қуйиш марказида Навоий ҳарбий прокуратураси ва вилоятдаги ҳарбий қисмларда хизмат қилаётган ходимлар ва уларнинг оила аъзолари ўз хоҳиши билан донорлик қонини топширди. Бу ҳақда Навоий ҳарбий прокуратураси ходими, подполковник Сардор Собиров «Дарё»га маълум қилди.
Донорлик акцияси Навоий ҳарбий прокуратураси ташаббуси билан ҳарбий хизматчилар орасида соғлом турмуш тарзини кенг тарғиб қилиш ҳамда тиббий-ижтимоий кўмакка муҳтож инсонларни ҳар томонлама қўллаб-қувватлаш мақсадида ўтказилди.
Мазкур ибратли ташаббусдан кўзланган асосий мақсад юртимизда донор қонига эҳтиёжи бор инсонлар учун беғараз кўмак бериш бўлиб ушбу хайрли тадбирда ўтиздан ортиқ ҳарбий хизматчилар ва уларнинг оила аъзолари ўз хоҳиши билан иштирок этди.
Тадбир сўнгида Навоий қон қуйиш маркази раҳбарияти томонидан тадбир иштирокчиларига миннатдорчилик билдирилиб, бундай хайрли ишларни келажакда хам давом эттиришни таклиф этди.
Изоҳ (0)