O‘zbekiston Prezidenti Shavkat Mirziyoyev 25 iyun kuni Toshkentdagi Islom sivilizatsiyasi markazi qurilish maydonida bo‘ldi. Bu haqda “O‘zbekiston 24” telekanali xabar berdi.
Markaz milliy an’anaviy usulda qurilmoqda. Qayd etishlaricha, bu yerda O‘zbekiston hududidan yetishib chiqqan islom ulamolari, jahon madaniyatiga hissa qo‘shgan mutafakkirlar, rassom va xattotlarga oid ma’lumotlar mujassam bo‘ladi. Majmuada nodir eksponatlarga boy Islom san’ati muzeyi, kutubxona va qo‘lyozmalar fondi bo‘ladi.
“Buyuk ajdodlarimiz tomonidan asos solingan ilmiy, diniy maktablarga doir yurtimizda va chet ellarda saqlanayotgan qadimiy qo‘lyozma, toshbosma kitoblar tarixiy dalil va hujjatlar, arxeologik topilmalar, osori-atiqalar, shu yo‘nalishdagi ilmiy ishlar, video-foto hujjatlar bilan boyitiladi”, — deyiladi telekanal lavhasida.
Izoh (0)