Uzautotrans Service компанияси 2019 йилда Россиянинг Москва, Омск, Уфа, Самара ва Новосибирск каби шаҳарларига мунтазам автобус маршрутларини йўлга қўйишни режалаштирмоқда, дея хабар беради Sputnik.
«Яқин кунларда Uzautotrans Service қўшни давлатлар ҳамда Россиянинг Москва, Омск, Уфа, Самара ва Новосибирск каби шаҳарларига мунтазам автобус маршрутларини йўлга қўйишни режалаштирмоқда», — дейилади хабарда.
Хитойнинг Zhengzhou Yutong Bus Cо компанияси 68 та Yutong автобусини етказиб берган.
Ўзбекистон Президенти Шавкат Мирзиёевнинг 2018 йил 5 мартдаги 3584-сонли «Ўзбекистон Республикаси фуқароларининг вақтинчалик меҳнат фаолиятини амалга ошириш учун республика ташқарисига транспортда чиқиш вақтида хавфсизлигини таъминлаш чора-тадбирлари тўғрисида»ги қарори ижроси юзасидан Ўзбекистон Транспорт вазирлиги томонидан UzautotransService МЧЖ корхонаси ташкил этилган бўлиб, корхона автопаркини замонавий автобуслар билан таъминлаш мақсадида Хитойнинг Yutong компаниясидан 168 та автобус сотиб олишга доир келишув имзоланган.
Бугунга келиб ушбу автобусларнинг барчаси Ўзбекистонга олиб келинган.
Ушбу автобуслар 53 йўловчига мўлжалланган бўлиб, улар учун максимал даражада қулайлик яратилган. Ўриндиқлар юмшоқ, ҳар бир ўриндиқ тепасида ҳаво дефлектори ва индивидуал ёритиш чироқлари мавжуд. Кондиционер ва мониторлар сафарлар чоғида жуда қўл келади.
Изоҳ (0)