Сайилгоҳ кўчасидаги кўчма павильонлар аукционига марҳамат, дейилади Тошкент шаҳар ҳокимлиги хабарида.
«Республика мулк маркази» МЧЖ тадбиркорлар учун очиқ аукцион савдоси ўтказилишини маълум қилади.
Аукцион савдосида иштирок этиб, Сайилгоҳ кўчасидаги 40 та ҳамда Шароф Рашидов ва Буюк Турон кўчасида жойлашган 7 та енгил турдаги савдо шохобчаларини ижарага олиш ҳуқуқини қўлга киритиш мумкин. Тошкент шаҳар ҳокимлиги «Муниципал активларни бошқариш маркази» ДУKга тегишли бўлган ушбу павильонлардан ҳар бирининг бошланғич ижара нархи 8 000 000 сўм.
Ҳар бир павильонга бўлган ижара ҳуқуқи шартномаси 5 йил муддатга тузилади.
Аукцион савдоси 2019 йил 4 июль куни соат 15:00 дан бошлаб ўтказилади. Аризалар расмий иш кунлари соат 10:00 дан 16:00 гача қабул қилинади (13:00 дан 14:00 гача тушлик). Аризалар 2019 йил 2 июль куни соат 18:00 гача қабул қилинади. Кўчма павильонлар 2019 йил 4 июль кунигача сотилмаган тақдирда уларнинг такрорий савдоси 2019 йил 19 июль куни соат 15:00 да ўтказилади. Такрорий савдоларга аризалар 17 июль соат 18:00 гача қабул қилинади.
Аризаларни қабул қилиш ва савдо ўтказиш манзили: Тошкент шаҳар, Олмазор тумани, 1-Қорақамиш кўчаси, 1А-уй.
Мурожаат учун телефон: 71 228-79-52.
Изоҳ (0)