Ўзбекистондаги оромгоҳларга ҳар йили Фавқулодда вазиятлар ва ИИВнинг соҳавий хизмат ходимлари бириктирилиб, огомгоҳ ходимларининг хавфсизлик, ёнғин хавфсизлиги қоидалари талабларига риоя этилиши, фавқулодда вазиятларда тўғри ҳаракат қилиш тартибларини билиши, оромгоҳ ҳудуди ва хоналарида ёнғинга қарши режим сақланаётганлиги назорат қилинмоқда. Бу ҳақда ФВВ Ёнғин хавфсизлиги бош бошқармаси матбуот хизмати хабар берди.
Бундан ташқари, мавсум даврида эса болаларни соғломлаштириш ва дам олдириш бўйича Республика ишчи гуруҳи тузилиб, унда Фавқулодда вазиятлар ва ИИВ марказий аппарати ходимлари бошқа тааллуқли вазирлик ва идоралар вакиллари билан ҳамкорликда доимий равишда барча оромгоҳларнинг хавфсизлик ҳолати ва болалар учун яратилган шарт-шароитлар ўрганилиб борилади.
Шунингдек, болаларнинг мустаҳкам қўриқланишини таъминлаш мақсадида оромгоҳ ходимларининг тун-у кун навбатчилиги ташкил этилган.
Бу ишларнинг самарасини янада ошириш мақсадида оромгоҳларга бириктирилган ходимлар томонидан кўргазмали тарғибот материллари ҳамда махсус техникалар ёрдамида болалар билан турли учрашувлар, тушунтириш ишлари, викториналар, кўрик танловлар ва давра суҳбатлари ўтказиб келинмоқда.
Изоҳ (0)