«Реал» ўзининг трансферлар рекордини янгилади

«Реал» 2019 йил ёзги трансферлар вақтида футболчилар сотиб олишга рекорд даражада маблағ сарфлади.

Мадридликлар жамоани кучайтириш мақсадида жами 303 миллион евро сарфлашга улгурди. «Қаймоқранглилар» Эден Азар («Челси», 100 миллион евро), Лука Йович («Айнтрахт», 60 миллион), Эдер Милитао («Порту», 50 миллион), Ферлан Менди («Лион», 48 миллион) ва Родригони («Сантос», 45 миллион) ўз сафига қўшиб олди.

Шу билан бирга, «Қироллик клуби» бу борада ўзининг 10 йил аввалги рекордини янгилади. Ўшанда «Реал» Криштиану Роналду («Манчестер Юнайтед», 94 миллион евро), Кака («Милан», 67 миллион), Карим Бензема («Лион», 35 миллион), Хаби Алонсо («Ливерпуль», 34,5 миллион), Рауль Албиол («Валенсия», 15 миллион), Альваро Негредо («Алмерия», 5 миллион), Альваро Арбелоа («Ливерпуль», 4 миллион) ва Эстебан Гранерони («Хетафе», 4 миллион) умумий 258,5 миллион евро эвазига сотиб олганди.