Поп туманидаги «Namangan agro logistic» корхонасида умумий қиймати 105,8 миллиард сўмлик лойиҳа — «Қишлоқ хўжалиги маҳсулотларини сақлаш ва қайта ишлаш логистикаси» лойиҳаси амалга оширилди. Бу ҳақда «Дарё» мухбири хабар бермоқда.
Лойиҳага «Поп-Импекс» МЧЖнинг 30 миллиард сўм сармояси ва «Асака Капитал Инвест»нинг 22 миллиард, «Асака» банкининг 53,2 миллиард сўм кредит маблағлари жалб этилди.
10 гектар майдонда барпо этилган логистика корхонасига Италиянинг инновацион технологик ускуналари келтирилди.
Жумладан, 3,2 минг тонна мева ва сабзавотни сақлаш учун газ тизимида бошқариладиган музлатгич комплекси, соатига 6 тонна олма, шафтоли, ўрик ва 2 тонна гилосни саралаш ва қадоқлаш қувватига эга дастгоҳлар, соатига 10 тонна мева концентранти ишлаб чиқариш қувватига эга дастгоҳлар мажмуаси, Туркияда ишлаб чиқарилган қозон, буғ қозони, таъминловчи насослар ўрнатилди.
«Mevas» бренди остида фаолият бошлаган логистика корхонасини фойдаланишга топшириш маросимида Наманган вилояти ҳокими Хайрулло Бозоров иштирок этди.
Изоҳ (0)