12 июннинг эътиборга молик янгиликлари — «Дарё» дайжестида.
Таниқли кино ва театр актрисаси Гулбаҳор Йўлдошева вафот этди.
«Қўқон шамоли» тарихий фильмидаги Мингойим образи актрисанинг сўнгги роли бўлиб қолди.
***
Жиззахда ҳайдовчи ўзини тўхтатган ЙПХ ходимини дўппослади.
Қайд этилишича, ҳайдовчи ЙПХ ходимининг ўзини тўхтатганидан норози бўлиб, уни дўппослаб кетган.
***
Бош прокуратура: Қўйлиқдаги оммавий муштлашув ҳолати бўйича икки киши қамоққа олинди.
Воқеа 5 июнь куни соат 19.50 ларда Миробод тумани, Фарғона йўли кўчасида жойлашган «Осиё бургер» тамаддихонаси олдида рўй берган.
Муштлашувда бир кишига пичоқ билан жароҳат етказилган.
***
Ўзбекистон Марказий банки деноминация эҳтимоли борлигини маълум қилди.
«Мен аниқ бир санани айта олмайман, бу беш ёки ўн йил ичида бўлади», — деди Марказий банк раисининг биринчи ўринбосари Илҳом Норқулов.
Норқуловнинг сўзларига кўра, инфляциявий таргетлашга ўтиш тугалланиши билан регулятор деноминация масаласини кўриб чиқишга тайёр бўлади.
***
Ўзбекистонда онлайн аукцион орқали илк бор 5,3 млн. сўмга «чиройли» мобил рақам сотилди.
Ўтказилган электрон савдо натижасига кўра онлайн аукцион орқали Ucell уяли алоқа операторининг (+998 93) 577-88-88 мобил рақами сотилди.
Ушбу лот жорий йил 4 июнь куни Тошкент шаҳри жисмоний шахслари учун савдога қуйилган эди.
Изоҳ (0)