Нью-Йоркда БМТ Бош Ассамблеяси 73-сессияси ялпи мажлиси бўлиб ўтди.
Унда Ўзбекистон илк бор Бош Ассамблеянинг навбатдаги 74-сессияси раиси ўринбосари лавозимига сайланди.
Ўзбекистон билан бир қаторда БМТ Бош Ассамблеяси 74-сессияси раиси ўринбосари лавозимига Индонезия, Уммон, Сингапур, Туркия ва Хорватия каби давлатлар вакиллари ҳам сайланди.
Раис ўринбосарларининг асосий ваколатлари доирасига раис иштирок этмаган тақдирда Бош Ассамблея ялпи мажлисларини очиб бериш ва ёпиш, ялпи мажлисларда муҳокамаларни бошқариш, мажлислар давомида тартибни сақлаш, хусусан, ташкилотга аъзо давлатларга сўз бериш, овоз беришга саволлар киритиш, шунингдек, улар бўйича ечимларни эълон қилиш кабилар киради.
Изоҳ (0)