Саида Мирзиёева арафа куни Президент Шавкат Мирзиёев уй кийимида ош дамлаётгани акс этган фотони Facebook’даги саҳифасида жойлаштирганди.
«Баъзида оилавий дастурхонимиз учун ошни Дадамлар дамлаб берадилар. Биз эса уларга ёрдамчи. Арафа муборак!» — дейилган ушбу постда.
Ушбу сурат жойлаштирилганидан сўнг 18 мингта «лайк» тўплади. Унинг остида 2,4 минг изоҳ қолдирилган, 3,6 минг киши уни ўз саҳифаларида улашган.
«Саидахон, аввало сизга ушбу суратни халқимиз эътиборига ҳавола қилганингиз учун минг ташаккур. Бу расм юртимиз эркакларига оиласига нисбатан ўзгача тарбия мактабини ўтайди», — дея фикр қолдирган Шоҳида Султонова.
«Мана шу битта сурат юртбошимизни халққа қанчалик яқинлаштирди!» — деб ёзган Жамолиддин Тухташев.
«Ажойиб отангиз бор. Ўзбекистонда ҳамма нарса яхши томонга ўзгариб бораётганини кузатиб келяпман. Кўпчилигимиз хорижда яшаймиз. Агар ишлар шундай давом этаверса, барчамиз эртами-кечми албатта жонажон Тошкентга қайтамиз!» — дейди Нигора Р-и.
«Қандай гўзал манзара! Уйида оиласига меҳрибон, уларнинг шодлиги учун, элу юрт хизматидан бироз бўлса-да ортиб, ўз қўллари билан ош дамлаб берадиган шундай камтарин инсон Президентимиз экани бизга фахр!» — дея изоҳ қолдирган Ботиржон Эргашев.
«Бундай ҳолатга тушмагандим. Оддийлик ва самимийликни кўриб, ҳайратда қолдим. Бу ўзига хослик фақат шу инсонга тегишли. Биргина шу сурат замирида ҳалққа бўлган эҳтиром ва яқинлик мужассам», — дейди Рониал Лассонис тахаллусли фойдаланувчи.
Изоҳ (0)