Буюк Британия Ташқи ишлар вазирлиги Тереза Мэйнинг тез орада истеъфога чиқиши ҳақидаги хабарларни рад этди. «Корреспондент.net»нинг хабар беришича, бу ҳақда вазирлик раҳбари Жереми Хант маълум қилган.
Унинг сўзларига кўра, АҚШ президенти Дональд Трампнинг июнь ойига режалаштирилган Британияга давлат ташрифи вақтида Тереза Мэй ўз лавозимида бўлади.
«Тереза Мэй Трампни бош вазир сифатида қабул қилади ва бу мутлақо тўғри», — деган Хант.
Аввалроқ ОАВда Мей 24 май куни истеъфога чиқишини маълум қилмоқчи эканлиги тўғрисида хабарлар тарқалган ва бунинг сабабларидан бири сифатида Тереза Мэй май ойида тақдим этган Brexit битимининг янги версияси ҳукумат томонидан қўллаб-қувватламаганлиги кўрсатилган эди.
Британия парламенти Тереза Мэйнинг Brexit бўйича келишувини уч марта рад этишга улгурган. Буюк Британия Европа Иттифоқидан 29 март куни чиқиши керак эди, бироқ парламентдаги овозга қўйиш мувафақиятсиз ўтгани сабабли Иттифоқдан чиқиш жараёнини 2019 йил 31 октябрига қадар кечиктиришга тўғри келган.
Дональд Трамп қиролича Елизавета Иккинчининг таклифига кўра 3—5 июнь кунлари давлат ташрифи билан Буюк Британияда бўлади.
Изоҳ (0)