Ўзбекистонда бугунги кунда «Кўча» сўзининг маъноси бутунлай ўзгариб, унда криминал маъно деярли қолмаган. Бу ҳақда ИИББ матбуот хизмати маълум қилди.
Интернетда жойлаштирилган мақолалардан бирида «юқори давлат лавозимида ишловчи шахс» томонидан тайинланган Тошкент бўйича аллақандай «вазият эгаси»нинг (положенец) сўзлари келтирилган эди.
ИИББ бунга тўлиқроқ ишонч ҳосил бўлиши учун ҳозирда тадбиркор, илгари жиноий муҳит аъзоларидан бири бўлган 52 ёшли Дилмурод К.нинг фикрини келтириб ўтган.
— Мен илгар бир неча бор турли хил жиноятлар учун судланиб, узоқ вақт озодликдан маҳрум бўлганман. Ўзбекистонда бугун «ўғрилик тушунчаси» ҳам, давлат ҳудудида жиноий муҳитни тартибга солиб турадиган ҳеч қандай «вазият эгалари» ҳам, «кузатувчилар» ҳам йўқ. Бу энди қизиқ эмас. Менга бир назар солинг: бизнес билан шуғулланаман, ҳаммаси қонун доирасида – бутун маданиятли дунёдаги каби. Муаммолар бўлиб туради, лекин уларни барчасини қонуний ҳал этиш мумкин.
Изоҳ (0)