11 май, шанба куни футбол бўйича Ўзбекистон Суперлигасининг 8-турининг марказий учрашувида мусобақа жадвалида пешқадамлик қилаётган Тошкентнинг «Пахтакор» клуби ўз майдонида Наманганнинг «Навбаҳор» жамоасини қабул қилди.

Фото: ПФЛ

Учрашув давомида «шерлар» ярим ҳимоячиси Драган Чераннинг дублига (20, 53, пенальти) наманганликлар ярим ҳимоячилар Остон Ўрунов (59) ҳамда Абдужамол Исроиловнинг (82) голи билан жавоб қайтарди.

Шу тариқа тошкентликлар ўз майдонида кечган баҳсда «Навбаҳор» билан дуранг ўйнади ва жамоалар бир очкодан бўлишиб олди (2:2).

Ушбу ўйин якунига кўра, «Пахтакор» 20 очко тўплаган ҳолда мусобақа жадвалида етакчилик қилмоқда. «Навбаҳор» ҳисобида эса 12 очко мавжуд ва жамоа 3-ўринда бормоқда.

Суперлига

8-тур баҳси

11 май, шанба

«Пахтакор»—«Навбаҳор» 2:2

Голлар: 1:0 — 20 Драган Черан, 2:0 — 53, пенальти, Драган Черан, 2:1 — 59 Остон Ўрунов, 2:2 — 82 Абдужамол Исроилов

«Пахтакор»: Санжар Қувватов, Фарруҳ Сайфиев, Егор Кримец, Марко Симич, Хожиакбар Алижонов, Одилжон Ҳамробеков, Сардор Собирхўжаев, Жалолиддин Машарипов, Драган Черан, Достонбек Ҳамдамов, Марат Бикмаев (Игорь Сергеев, 75)

«Навбаҳор»: Ўткир Юсупов, Славко Лукич (Обид Жўрабоев, 43) (Шаҳзод Шайманов, 90+2), Игорь Голбан, Жаҳонгир Меҳмонов (с), Мирзоҳид Ғофуров, Остон Ўрунов, Азимжон Аҳмедов, Абдужамол Исроилов, Иван Соловёв, Аббос Ғуломов (Азиз Ибрагимов, 78), Александр Касян

Огоҳлантиришлар: Славко Лукич (29), Александр Касян (36), Абдужамол Исроилов (45), Иван Соловёв (49), Егор Кримец (61), Фарруҳ Сайфиев (68), Ўткир Юсупов (90+3).

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!