HUAWEI компаниясининг берган хабарига кўра, у етакчи тиббий тадқиқот ташкилотлари билан ҳамкорликда болаларнинг кўриш қобилиятини сақлаш учун сунъий интеллектга доир ўзининг ихтисослашган тажрибаларини амалда қўллашни бошлайди. HUAWEI Арагон тиббий тадқиқотлар институти (IIS Aragon) ва DIVE Medical билан ҳамкорликда Track AI тизимини яратиш устида иш олиб бормоқда. Сунъий интеллект базасидаги ушбу ечим болаларда кўриш қобилиятига оид нуқсонларни эрта диагностика қилиш учун яратилган.
Жаҳон соғлиқни сақлаш ташкилотининг (ЖССТ) ҳисоботига биноан, дунёда 19 миллиондан ортиқ болаларнинг кўриш қобилиятида нуқсонлар мавжудлигига қарамай 70-80 фоиз ҳолатда ушбу касалликларнинг олдини олиш ёки даволашнинг имкони мавжуд экан. Аксарият ҳолатларда бундай нуқсонларга эга болаларни тиббий кўрикдан ўтказишмайди, бу эса ўз навбатида улардаги кўриш қобилиятининг жиддий тарзда ёмонлашишига, пировардида умумий саломатлик ҳолатига, таълим олиш ва жамиятга қўшилиш каби жараёнларга салбий таъсир қилади. Айни вақтда 12,8 млн бола у қадар жиддий аҳамиятга эга бўлмаган ва осон бартараф этиладиган кўриш қобилиятининг ёмонлашуви билан боғлиқ касалликларга чалинган.
«Сўнгги йилларда биз болаларнин кўриш қобилиятини баҳолашга ва нуқсонларни аниқлашга қодир инструментни яратиш устида иш олиб боряпмиз», — дейди DIVE Medical лойиҳасида хизмат қиладиган болалар офталмологи Виктория Пуэё (Victoria Pueyo). — «HUAWEI компаниясининг кўмагида сунъий интеллект технологиялари орқали биз ўз мақсадимизга янада яқинлашдик. Биз бу технологияларни бутун дунё бўйлаб татбиқ этишга интиляпмиз, чунки шундагина умумий ҳаракатларимиз орқали кўриш қобилиятига алоқадор ҳар қандай касалликни енгишга қодир бўламиз".
Кўриш қобилиятидаги нуқсонларни аниқлаш учун HUAWEI Матеbook E компьютерида DIVE (Devices for an Integral Visual Examination, кўриш қобилиятини тўлиқ текширишга оид асбоблар) дастури ишга туширилади. Мазкур дастур ёрдамида иккала кўзнинг турли визуал функцияларни синаш учун ишлаб чиқилган махсус қўзғатувчиларга нисбатан реакцияси текширилади. Шундан кейин беморнинг кўриш қобилиятига доир моделлар ҳақида йиғилган маълумотлар кўздаги потенциал касалликлар белгиларини аниқлайдиган HUAWEI HiAI алгоритми ёрдамида HUAWEI P30 смартфонида қайта ишланади.
HUAWEI P30 смартфони ва HUAWEI HiAI технологияси орқали Track AI лойиҳаси доирасида болаларда (олти ойликдан бошлаб) кузатиладиган эрта босқичдаги кўриш қобилияти билан алоқадор муаммоларни аниқлашга мўлжалланган фойдаланишда осон, портатив ва ҳамёнбоп ечим ишлаб чиқилди. Натижада эса одамлар махсус тайёргарликсиз болалардаги кўриш қобилияти билан боғлиқ касалликларни аниқлаб, тезда даволашни бошлашлари мумкин бўлади.
Piter Gauden, HUAWEI технологик эксперти: «Аввал смартфонлар сунъий интеллект асосидаги мураккаб алгоритмларни бажариш учун етарли даражада кучли бўлмаган, шу боис олинган маълумотлар қайта ишланиш учун булутли серверга жўнатилган. Булутдаги сервер билан маълумот алмашиш босқичи интеллектуал ҳисоблаш жараёнини секинлаштиради,
бунинг устига интернетсиз улардан фойдаланиб ҳам бўлмайди. Trask AI тизимининг янги имкониятлари ўзида HUAWEI яратган машинавий ўрганиш ва мобил қурилмада IIS Aragon va DIVE Medical каби ташкилотларнинг ишланмаларини ўз ичига олган алгоритмларни бажариш технологиясини жамлайди. Track AI тизими HUAWEI компаниясининг сунъий интеллектни қўллаш жабҳаларини кенгайтиришга қаратилган йирик дастурининг бир қисмидир. Бутун жаҳон бўйлаб ота-оналар ва шифокорларнинг сунъий интеллект технологиялари ёрдамида тез, осон ва самарали тарзда кўз касалликлари билан боғлиқ муаммоларни аниқлашга имконият яратиш бизнинг ушбу лойиҳадаги бирламчи мақсадимиз ҳисобланади.
Бу қандай ишлайди?
Кўриш қобилиятида нуқсони мавжуд болалар соғлом болаларга қараганда бошқача дунёқараш моделига эга бўлади. DIVE тизими олимлар томонидан ишлаб чиқилган қўзғатувчиларга нистабан нигоҳнинг реакция пайтидаги ҳолати ҳақидаги маълумотларни йиғиш хусусиятига эга. Бундай маълумотлар таҳлили ва интерпретацияси махсус тайёргарликдан ўтмаган тиббий хизматчилар учун жуда мураккаб вазифа ҳисобланади. Бироқ сунъий интеллект ёрдамида компьютерларни аномал реакцияларни аниқлайдиган қилиб созлаш ва бу орқали текшириш ҳамда ташхис қўйиш жараёнини осонлаштириш, пировардида эса касаллик диагностикасидан даволаш босқичига тезроқ ўтиш мумкин бўлади.
Track AI ечими Google TensorFlow очиқ дастурий платформаси ва HUAWEI ҲиАи технологияларига тегишли имкониятлар асосига қурилган. У сунъий интеллект ёрдамида ишлайдиган кучли ҳисоблаш тизимига эга Kirin 980 русумли илғор процессор ўрнатилган смартфонларда машинавий ўрганиш тизимини яратишга имконият яратди. Таъкидлаш керакки, бундай хусусиятга эга смартфонлар мобил қурилмаларда сунъий интеллект келажагини белгилаб беради.
Kirin 980 процессоридан қўш нейромодул бевосита смартфонда сунъий интеллект фаолиятини ва интеллектуал функциялар ижросини таъминлайди. Бу эса ишни янада тезлаштириб, фойдаланувчига тегишли маълумотларнинг махфийлигини кафолатлайди. Қўш нейромодул смартфондаги сунъий интеллектга вақт ўтган сари мукаммаллашиб, қурилмадан фойдаланиш маҳсулдорлигини оширишга хизмат қилади.
Портатив смартфон асосидаги Track AI технологияси Wi-Fi тармоғига уланишни талаб қилмайди ва реал вақт режимида маълумотларни йиғиб, диагностика жараёнини тезлаштиради. HUAWEI смартфонидаги имкониятлар Track AI технологиясини бутун дунё бўйлаб ишлатишга замин яратади.
Бирламчи синовлардан кейин лойиҳа тез орада кенг тарқала бошлайди. Сунъий интеллектга асосланган тизимнинг ривожланиши учун минглаб болаларнинг текширувига оид маълумотлар тўплами талаб этилади. Бу каби маълумотлар ҳозирда учта қитъада жойлашган бешта мамлакатда (Хитой, Мексика, БАА, Испания ва Буюк Британия) йиғилмоқда. Керакли ҳажмдаги маълумотлар тўплангач, нейрон тармоқларни ўқитиш жараёни бошланади, шундан кейин, жорий йилда, прототип-қурилма ишга туширилади.
2020 йилда эса шифокорларга эрта босқичдаги кўз касаллликларини аниқлайдиган ва тўғрилайдиган қурилмаларни ишлаб чиқариш режалаштирилган.
IIS ва DIVE Medical ҳақида:
IIСS Aragon етакчи тадқиқот институти — бу Испаниядаги Migel Servet университети шифохонаси ва Сарагоса университетларидан ташкил топган консорциумдир. Ушбу институтларда хизмат қиладиган тадқиқотчилар бошланғич тайёрлов даражасига эга бўлган тиббий ходимларга кўриш
қобилияти билан боғлиқ муаммоларни аниқлашга ёрдам берадиган тизимни ишлаб чиқаётган DIVE Medical стартапига асос солишган. У янада тез ва аниқ ташхис қўйиш, кўриш қобилияти йўқотилишининг олдини олишга қаратилган аралашувлар борасида янада тўғри қарорлар қабул қилишга имконият яратади.
HUAWEI HiAi ҳақида:
HUAWEI HiAI 2.0 — бу қурилмаларга созланган сунъий интеллект (AI) тизимларини яратишга ёрдам берадиган очиқ платформа. Мазкур платформа HiAI Foundation, HiAI Engine ва HiAI Service орқали дастурчиларга HUAWEI чипсетлари, қурилма ва булутларининг имкониятлари билан танишиш учун очиқ экотизим вазифасини бажаради.
Изоҳ (0)