Ўзбекистонда 2019 йил якунида мамлакатдаги илк пуллик автомобиль йўл қурилишини бошлаш режалаштирилмоқда. Бу Президентнинг «Республика иқтисодиётига тўғридан-тўғри хорижий инвестицияларни жалб қилиш механизмларини янада такомиллаштириш чора-тадбирлари тўғрисида»ги қарорида кўзда тутилган.
Тошкент ва Самарқанд шаҳарларини боғловчи ушбу йўл 2021 йил охирида фойдаланишга топширилади.
Ҳужжатга кўра, Тошкент — Самарқанд пуллик автомобиль йўлини қуриш лойиҳаси Туркия компаниялари консорциуми томонидан амалга оширилади.
Йўл Тошкент, Сирдарё, Жиззах вилоятлари ҳудудидан ўтади. Лойиҳа қиймати ҳозирда аниқланмоқда.
Эслатиб ўтамиз, олдинроқ Тошкент—Андижон пуллик йўли қурилиши ҳақида хабар берилганди.
Изоҳ (0)