Хабарингиз бор, Президентнинг жорий йил, 27 мартдаги «Ўзбекистон Республикасида электр энергетика тармоғини янада ривожлантириш ва ислоҳ қилиш стратегияси тўғрисида»ги қарорига мувофиқ, «Ўзбекэнерго» АЖ базасида учта алоҳида-алоҳида акциядорлик жамиятлари тузилиши белгиланган эди. Истеъмолчиларга ноқулайлик туғдирмаслиги учун, «Ўзбекэнерго» АЖ билан мулоқот» Telegram-канали янги ташкил этилган «Ҳудудий электр тармоқлари» АЖ билан мулоқот» номига ўзгартирилди.
«Ҳудудий электр тармоқлари» АЖ Матбуот хизмати маълум қилишича, халқ билан бевосита мулоқот қилиш, жумладан, электр энергияси билан боғлиқ муаммо ва камчиликларни бартараф этиш, таклифларни изчил ўрганиб, шу асосда тизимли равишда чора-тадбирлар кўриб бориш мақсадида Telegram мессенжерида ишга туширилган «Ҳудудий электр тармоқлари» АЖ билан мулоқот» канали орқали аҳоли ўз мурожаатларини «Ҳудудий электр тармоқлари» АЖга йўллашлари мумкин.
Йўлланган мурожаатлар шахсан жамият бошқаруви раиси назоратида ўрганиб чиқилиб, батафсил жавоб қайтарилади ва тез фурсатларда ўз ечимини топади.
Шунингдек, ушбу Telegram канали орқали электр энергияси истеъмоли билан боғлиқ амалга оширилаётган ислоҳотлар, қабул қилинаётган қарорлар, соҳага оид янгиликлардан ҳам хабардор қилиб борилади.
Реклама ҳуқуқи асосида
Изоҳ (0)