Андижон шаҳрида 26 апрель куни фаст-фуд егуликлар тармоғи ҳисобланган Evos’нинг яна бир янги шохобчаси иш бошлади.
Тантанали очилиш маросимига ташриф буюрганлар фаст-фуд тармоғининг унутилмас таъмли таомлари ва мазали ширинликларидан баҳраманд бўлиш билан бирга қизиқарли ўйинларида ҳам иштирок этди. Лавашни ким тез ейиш мусобақаси ва энг катта соврини телевизор бўлган лотерея ўйинида келган меҳмонларга совғалар улашилди.
Тармоқ ўз анъанасига содиқ қолди: таниқли бошловчи Дилшод Мирзамуродов йиғилганларга кайфият улашган ҳолда очилиш маросимидаги энг қизиқарли дастурларини олиб борди. Бундан ташқари, тадбирда кимёгарлар шоуси ва пуфакчалар намойиши бўлиб ўтди. Болажонлар улкан «қўғирчоқлар» билан қувнаб ўйнади ва онажонлари билан Evos’нинг доимий меҳмони бўлган айиқлар олдида расмга тушди.
«Биз фуд-кортларга катта қизиқиш борлигини пайқадик, чунки бундай жойларда одамлар сайр қилади, фарзандлари билан ҳордиқ чиқаради, харидларни амалга оширади ва шу ернинг ўзида овқатланиш уларга қулай. Шунинг учун ҳам биз бу йўналишни қўллаб-қувватлаб, мамлакат бўйлаб кўплаб филиалларни очиш ниятидамиз», — деди Evos компанияси ходими.
Унинг айтишича, нафақат Тошкентда, балки бутун Ўзбекистон бўйлаб имкон қадар кўпроқ шохобчаларни очиш режалаштирилган.
«Чунки доимий мижозларимиз мамлакатнинг бошқа шаҳарларига борганида ҳам Evos’дан тановул қилишни истайди. Биз ўз ўрнимизни сақлаш, сифатни йўқотмаслик, айни вақтда тармоғимизни имкон қадар кенгайтиришга ҳаракат қиламиз», — дея қўшимча қилди муассаса вакили.
Андижондаги Evos манзили: Андижон шаҳри, Чўлпон шоҳ кўчаси, 10-уй, «Ўзбегим» мажмуаси.
Телефон: +998 91 612 73 70
Реклама ҳуқуқи асосида
Изоҳ (0)