Мисрдаги сирли топилмалар: тадқиқ қилинмаган қабристон ва 30 та қадимий мумиёланган жасад

Жанубий Мисрнинг Асуан вилоятида археологлар қадимий қабристон ва  30 та мумиёланган жасад топди, дея хабар беради Sputnik.

Мамлакат қадимий ишлар бўйича вазирлиги маълумотларига кўра, қабр ичидаги ёзувлар дафн этилган «асосий» шахси — Тийтни топишга ёрдам берган.

Бироқ, ер остидаги сағанада ўттизта мумиё, жумладан, мумиёланган болаларнинг жасадлари бўлган.

Қабр икки минг йил давомида тадқиқ қилинмаган, у қоя ичига ўйилган, унга фақат тош зиналар орқали тушиш мумкин бўлган. Кириш жойи эса тош девор билан беркитилган.

Хабарда қайд этилишича, археологлар иккита мумиёланган жасадни (тахминларга кўра она ва униг болани) топган. Улар бир-бирининг устига қўйилган ва тананинг контурларини ажратиб турадиган кўп қатламли папирус билан қопланган.

Яна бир нечта болалар алоҳида, майитларнинг ён томонида дафн этилган.