Индонезияда 17 апрель куни бўлиб ўтган сайловдан сўнг миллионлаб овозларни қўлда ҳисоблаб чиқиш вақтидаги чарчоқ оқибатида 272 киши вафот этди, яна 1878 киши касалланган. Бу ҳақда «Интерфакс» хабар берди.
Мамлакат марказий сайлов комиссиясининг вакилининг сўзларига кўра, ходимларнинг ўлими ишдан ҳаддан ташқари чарчаш билан боғлиқ.
Унинг айтишича, Соғлиқни сақлаш вазирлиги жарбланганларга ёрдам кўрсатишга чақирмоқда, Молий вазирлиги эса вафот этганларнинг қариндошларига товон пулини тўлаш масаласи билан шуғулланмоқда.
Индонезия ҳукумати харажатларни қисқартириш мақсадида, 17 апрель куни ҳам президентлик, ҳам миллий ва минтақавий даражада парламент сайловларини ўтказишга қарор қилганди. Сайловда овоз бериш ҳуқуқига эга бўлган 193 миллион фуқаронинг деярли 80 фоизи қатнашган.
Мамлакатда умумий ҳисобда 813 мингдан ортиқ сайлов участкалари очилган. Индонезия Марказий сайлов комиссияси овоз бериш натижаларини ҳисоблашни 22 майда якунлашни режалаштирмоқда.
Аввалроқ Индонезияда дунё тарихидаги энг катта сайловлар натижаларини ҳисоблашдан зўриққан 54 киши вафот этгани ҳақида хабар берилган эди.
Изоҳ (0)