Шарқий Германиядаги автомобиль йўлида 50 тадан ортиқ машина тўқнашиб кетди, деб хабар берди Sputnik.
Мамлакат йўл полициясининг хабар беришича, ЙТҲ йўлнинг музлаши ва дўл ёғиши оқибатида содир бўлган. Ҳайдовчилар ноқулай об-ҳаво шароити сабабли бошқарувни эплай олмаган.
Ҳодиса Зул ва Майнинген шаҳарларини боғловчи 71-трассада содир бўлган. Оқибатда 25 киши жабрланган бўлиб, улардан тўрт нафари оғир аҳволда.
Қайд этилишича, айрим ҳайдовчилар машиналар салонида қисилиб қолган ва улар воқеа жойига етиб келган қутқарувчилар ёрдамида чиқариб олинган.
Автомобиль йўлида ҳаракатланиш ҳар икки йўналиш учун ҳам вақтинча тўхтатилган.
Изоҳ (0)